|
الأشارات مش شغاله و الانتظار شغال !!!
السلام عليكم كل سنه وانتم طيبين دلوقتى يا جماعه انا من فتره عربيتى كان الكلاكس فيها مش شغال فروحنا لواحد كهربائى و للأسف طلع مش بيفهم حاجه و يوميها وقف الزجاج الكهربائى و النور و التكييف احنا مخدناش بالنا غير لما مشينا المهم روحنا لواحد تانى نضيف و على طول شغل النور و التكييف و الزجاج بس كلاكس كان غرقان ميه لانه من تحت جنب العجل و غيرنا الكلاكس و كله تمام و قبل ما نمشى شيكنا على كل حاجه ومشينا بس بعد ما حطيت العربيه فى الجراج اخدت بالى ان الاشارات مش شغاله بالرغم ان الانتظار شغال !!! روحنا للكهربائى النضيف اللى اشتغل فيها ومكنتش عايز اروح لحد تانى عشان ميلعبش فيها و يبوظ الدنيا المهم لما روحنا للكهربائى شيك على الفيوزات و الحاجات دى و لقاها كلها تمام و قالى ان الدراع مش عارف عايز اسبراى مش فاكر اسمها تترش جوه و هيحل حاجات من مكانها و كلام كده انا عايز اعرف هل ده الحل عشان مش عايز افك حاجه من مكانها !! خصوصا انى للاسف المرايا الشمال عندى اتكسرت خالص واتخلعت من مكانها وانا مكنتش ببقى مرتاح وانا ماشى من غير اشارات دلوقتى هبقى ماشى من غير اشارات و مرايه !!!!MAD |
رد: الأشارات مش شغاله و الانتظار شغال !!!
شكل الكهربائي بيفتي كعاده الصنايعيه
روح لكهربائي تاني و استشيره و شوف |
رد: الأشارات مش شغاله و الانتظار شغال !!!
اقتباس:
هوا بيقول ان فى تراب جوه و صدى و كده بس اساسا الدراع بتاع الاشارات كان شغال كويس الأول قبل ما نروح للكهربائى الاولانى الحمار اللى وقف كل حاجه |
رد: الأشارات مش شغاله و الانتظار شغال !!!
لا لا لا ما تسمعش كلامه ... دا بيفتى يا عم
لو كانت مساله تراب مكنش الدراع وقف مرة واحدة كده مستحيل على الاقل كان علق الاول .... على فكرة ممكن يكون مفتاح الانتظار بايظ لانى كان عندى نفس المشكلة دى بس الانتظار كان بيعلق ... بس متفكش الدراع لان المشكلة اكيد مش منه ... وانا عارف ان الراجل هيفكلك الدراع ويخيليك تجيب اسبراى ويقعد يلعب فيه وفى الاخر يقولك الدراع بايظ روح هات دراع جديد .... دى حركات فكسانه يا برنس وشبعنا منها .... |
رد: الأشارات مش شغاله و الانتظار شغال !!!
ممكن اعرف اية كمية الاعطال اللى بتيجى لعربيتك دى
المهم انا عندى كهربائى استاذ بس فى الكيلو 21 لو تقدر تجيلة يبقى حيعمل معاك الصح |
| الساعة الآن 04:08 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017