لحام الراديتير
 

عندى مشكلة الرديتير مخروم خرم صغير وهوه عشان مش نحاس بيتلحمش يعنى لازم اشترى جديد سعرة فى التوكيل 1150ج (رينو كليو 2003)بس فى واحد قالى ان فى مادة بتتباع بتتحط مع مية الراديتير وبتلحم الخرم بسايه ياترى هوة كان وخدها من واحدوميعرفش بتتباع فين ياريت لو فى اى حد عندة معلومة يا ريت يعرفنى وشكرا مقدما

رد: لحام الراديتير
 

بص أنا كان عندى والدى نفس مشكلتك والحل كان فى الصابونة.... أيوة واحد من السواقين الشطار جاب صابونة من ام 50 قرش وبلها شوية صغيرين وراحد داغك الخرم كذا مرة رايح جاى وساب الريدياتير لمدة يوم وتصدق أن الخرم انسد وبقالة حوالى 3 سنين وماشى بيها ماية ماية. مرة حبيب اشوف الخرم لقيت الصابونة ماسكة زى الحديد... جرب ومش هتخسر حاجة... أفتكر شكل الصبانة لما بيكون فيها بواقى صابون لم طويلة بتطلع بالكحت من قوته

رد: لحام الراديتير
 

انا متشكر حجرب وحقولك وربنا يسهل

رد: لحام الراديتير
 

حضرتك ممكن تستخدم سيليكون حراري الامبوبة بتتباع بـ 7 ج
ودة حل عملي جداَ وغير مسكن ابداَ لان السيليكون حراري وخاص لهذة الاغراض
وفية كمان امبوبتان للحام الحديد .. تستخدم فى لحام الحديد يتم خلطهم معاَ ودى عن تجربة
فوق الممتازة وعملية جدا جدا .. يعنى يأما سيليكون حراري يأما امبوبتان للحام الحديد
قول للموان كدة وهو هيعرف سعرها تقريبا 12 ج على ما اتذكر قد يكون اقل او اعلي . وانسى تماما
الريداتير

رد: لحام الراديتير
 

جرب لحام الحديد اعتقد هو احسن حاجة ..

انا مجربه عندى كان فى تسريب من وش الريداتير وحطيت اللحام ده وبقى شغال زى الفل ...

بس روح لصنايعى بتاع ريداتير يعملهولك احسن ما تعملو بنفسك ....

جرب وقولى يا باشا ...