مشكله في العيد
 

كل سنه وانتم طيبين يا احسن ناس انا كنت امبارح في شركه النصر بغير بوجيهات وبعد كده ضبط الموتور على الكمبيوتر وللاسف بعد ممشيت وهما عيدو لقيت الموتور مخنوق مش بيسحب خالص لازم ادوس بنزين جامد علشان تجري فهل ممكن حد يعرفني ممكن اعمل ايه مؤقتا لغايه لما اعملها بعد العيد انا مش عارف امشي بيها خالص و كل سنه وانتو طيبين4BY4

رد: مشكله في العيد
 

أعتقد إنها مشكلة تيكهات وعاوزة واحد يظبط دة. يمكن حد يفتح ثانى يوم العيد ويحل المشكلة. ولكن ممكن حضرتك توضح أكثر،

لما بتضغط على البنزين جامد بيرتفع عداد rpm أم إن الضغط على البنزين مش بيأثر على عداد الأر بى أم؟؟

كمان ممكن تقول لنا ما هى السرعة اللى بتوصلها لو ماشى على الثانى أو الثالث.. مثلا

رد: مشكله في العيد
 

شكرا على الرد السريع يا اخي الفاضل وكل عام وانت بخير عداد الار بي ام بيزيد مع دوسه البنزين الطبيعي يعني السرعات التالت 60 الرابع 80 الخامس 100 بالعافيه مع اني كنت بجيب 140 مرتاح وبعدين دلوقتي لو شغلت التكييف وهي واقفه واجي اتحرك بحس ان العربيه مش قادره تحرك عجله واحده كاني شادد الفرامل احساس وحش جدا انا حاسس كأن الموتور مخنوق جدا منه لله الى ظبطه وقال ايه بالكمبيوتر وفي الشركه المصنعه و4BY4عجبي

رد: مشكله في العيد
 

السر كله فى الظبط الى عملوه
يعنى العربية قبل ما تدخل كانت سليمة و بعدين خرجت مش سليمة
ما هو نوع العربية - انجيكشن و لا كاربريتير- ايه خطوات الظبط الى عملوها؟
بس ان شاء الله حتطلع حاجة بسيطة لا تتعدى ظبط كاربريتير
f86b1903-b5fd-40b6-b1c0-d14776472b48
1.03.01

رد: مشكله في العيد
 

شكرا يا استاذ احمد على الرد هو الموجود كاربراتييرانا لسه جاي من مشوار كان فيه مطلع بسيط مش اقوى من مطالع الكباري اتعزبت من العربيه وعزبت الموتور معايا علشان يطلع غصب عنه هو فعلا جاب مفك وكان بيحرك مسمار مكانه تحت مكان العمه ولما خلص جيت اشغل التكييف كان المفروض الاربي ام يطلع لعشره لكن طلع لثمانيه ولما سالته قالي كده احسن علشان ميحملش على الموتور وانا صدقته مهو الشركه المصنعه للاسف