|
هوندا سيتى 2008 أم ماتريكس 2008
بسم الله الرحمن الرحيم إخوانى بداية أريد أن أشكركم على مجهوداتكم المتواصله والعمل على نجاح هذ الموقع الرائع فى الواقع أنا محتار جدا بين عربيتن ألا وهما : 1-الهوندا سيتى 2008 - الجيل الرابع أو الشكل القديم 1300سى سى وبين 2-الهايونداى ماتريكس 2008 - الشكل القديم 1600سى سى مميزات الإختيار رقم واحد هو كون العربية يابانى وكمان توكيلها محترم وليه إسم وسمعه وكمان قطع غيارها معمرة لكن بصراحة شكلها فى نظرى مثير للشفقة ( شكلها سىء) شكل شنطتها سىء جدا من الخلف مقارنة للهوندا سيتى الشكل الجديد ومخاوفى من سحبها وأداء تكييفها فى ظل وجود ماتور 1300 سى سى . مميزات الإختيار الثانى( ماتريكس 2008) شكل العربية لذيذ يمكن الشكل القديم فيها محبوب وأفضل من الماتريكس الشكل الجديد 2009 وكمان ماتورها قوى 1600 سى سى يضمن أداء جيد للتكيف وسحب ممتاز لكن طبعا يؤخذ عليها إنها كورى وكمان مش براند زى الهوندا. ختاما أرجوا من حضراتكم الإفادة مع تصحيح وجهات نظرى فى كلا من السيارتين مع العلم أنى لست منحازا لأى جانب ولكنى أسعى للوصول للمقارنة العادلة والتقييم الصحيح لكلا منهم . |
رد: هوندا سيتى 2008 أم ماتريكس 2008
وعليكم السلام ورحمة الله وبركاته,
خلينا نبدأ بمقارنة العربيتين فنيا,,, هيونداي ماتريكس 1.6 2008: فئة السيارات الفان أو الميني فان نظام الجر أمامي سعة المحرك 1.6 ليتر - 4 سليندر - غير مزود بتقنية تزامن الصمامات كهربائيا أو ما يماثلها. DOHC عزم المحرك 141 نيوتن/م @ 4500 rpm قدرة المحرك 101.5 حصان @ 5800 rpm السرعة القصوى 170 كم/س التسارع من 0 - 100 في 14.9 ثانية نسبة القوة للوزن (Power to weight ratio) تساوي 0.0901 حصان/كج حيز الركاب 2860 ليتر سعة خزان الوقود 55 ليتر وزن السيارة فارغة 1127 كج الفرامل الأمامية ديسكات و الخلفية درامات (قباقيب) + ABS + EBD متوسط إستهلاك الوقود 7.3 ليتر / 100 كم هوندا سيتي 1.3 2008 (الجيل الرابع): فئة السيارات الصغيرة الإقتصادية نظام الجر أمامي سعة المحرك 1.3 ليتر - 4 سليندر V-Tec SOHC عزم المحرك 121 نيوتن/م @ 4700 rpm قدرة المحرك 90 حصان @ 6400 rpm السرعة القصوى 160 كم/س التسارع من 0 - 100 في 12.5 ثانية نسبة القوة للوزن (Power to weight ratio) تساوي 0.0957 حصان/كج حيز الركاب 2220 ليتر سعة خزان الوقود 45 ليتر وزن السيارة فارغة 940 كج الفرامل الأمامية ديسكات و الخلفية درامات (قباقيب) متوسط إستهلاك الوقود 6.4 ليتر / 100 كم نيجي نقارن بين العربيتين في مصر: العربيتين من فئتين مختلفتين أساسا ... واحدة ميني فان و الثانية إقتصادية. مستوى الوكيل في مصر ,,, توكيل هوندا أفضل وبفارق كبير عن توكيل هيونداي. على الرغم من إن موتور الماتريكس أكبر من السيتي إلا إن تسارع السيتي أعلى بسبب وزنها الأخف من الماتريكس. سعر إعادة البيع للماتريكس أفضل من السيتي. إستهلاك السيتي للبنزين أفضل من الماتريكس. قطع غيار السيتي أغلى من الماتريكس بس معمرة أكثر. حيز الركاب للماتريكس أكبر من السيتي. رأي شخصي ,,, لو هاتتعامل مع التوكيل في الصيانة يبقى هوندا أفضل ,,, زيارة لتوكيل هيونداي قد تكون السبب في إنك تكره كل عربيات هيونداي. الحاجتين المهمين في رأيي إللي تتفوق بيهم الماتريكس عن السيتي هي مساحة حيز الركاب + سعر إعادة البيع. ربنا يوفقك للخير. |
رد: هوندا سيتى 2008 أم ماتريكس 2008
اقتباس:
متشكرين جدا يا هورس باور (أحمد سامى) بجد ردك أفادانى كتييييير ردك ممتاز فعلا بمعنى الكلمة أنا كنت فقط باصص للشكل إنت خلتنى التفت لنقاط مهمة جدا هدرسها أن شاء الله وأشوف أولوياتى جزاك الله خيرا |
رد: هوندا سيتى 2008 أم ماتريكس 2008
اقتباس:
|
رد: هوندا سيتى 2008 أم ماتريكس 2008
زي ما الأستاذ أحمد سامي قال لحضرتك، الماتريكس أفضل من حيث الانتشار (سعر إعادة البيع) وسعر قطع الغيار وكونها سيارة عملية عائلية ذات وسع داخلي، لكن عيبها عيب كل عربيات الهيونداي (التوكيل بتاعها). ولذلك لو إنت هتصلح بره التوكيل يبقى الماتريكس أفضل طبعا. وربنا يوفقك.
بس في حاجة عايز أسأل عنها: طالما فكرت في العربيات الصغيرة، ليه اخترت السيتي، ليه مش الياريس مثلا، أعتقد إن اليارس أفضل. |
| الساعة الآن 12:09 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017