|
استفسارات عن اسبرانزا a516
ياريت ياجماعة كل اللي معاه اسبرانزا يجاوبني علي شوية الاسئلة دي
1_ما هو احسن فرع صيانة لابو الفتوح 2_هل الصيانة تحتاج الي حجزمسبق 3_هل اذا تخطت السيارة ال1000كم الاولي بدون صيانة هناك خطر علي السيارة 4_حد ريموت السنتر لوك بيعلق مع حد 5_السي دي محشور وكل ما اعملejectيكتب error2فما الحل وياريت اي حد عنده نصيحة للمشترين الجدد يقولها وشكرا |
رد: استفسارات عن اسبرانزا a516
اقتباس:
ولو معرفتش فعيسي المنصوره او ابورواش دول الي حد ما كويسين اقتباس:
يعني بيفتحو 9ونصف تبقي هناك 9 لان هتاخد دورك و باذن الله هتنجز علي الظهر لان الضغط كبير عليهم اقتباس:
يعني علي الف و 100 مثلا تروح انا عن نفسي روحت و انا لسه 650 كيلو عشان اغير زيت الموتور لان العربيه بتيجي بزيت تجارب علي قد الالف فعشان احافظ عليا لموتور و ابقي في الامان و مطمن وعلي فكره لو عديت الصيانه الدوريه باكتر من 900 كيلو بتتلغي الصيانه دي يعني مثلا لو نفرض العداد بقي 6000 كيلو و انت لسه معملتيش صيانه ال 5000 كده راحت عليك و هتعمل صيانه ال 10000 فاهتم بالموضوع الصيانات و مواعدها اقتباس:
اقتباس:
جه نزلنا و ركب ناس تانيه حطو اسطوانه تالته فانا معرفش اجي اتك اطلع الاسطوانه مبتطلعش يدوب طرفها الي بيبان و مش عايزه تطلع ففضلت متك علي زرار eject وبدبوسين ابره زقيت الاسطوانه لبرا او استخدم ملقاط تشدها بيهم فاتصدمت لقيت نفسي بشد 3 اسطوانات الجهاز بالعهم والحهاز زي الفل مباظش ولا اي حاجه ولو معرفتش روح للكهربائي الي بالتوكيل خليه يشوفهولك وعموما العربيه ممتازة بس اهتم بالاتي 1- بحوار الترصيص و الزوايا لان البور بتاعها ناعم جدا و اي حاجه هتاثر في العربيه 2- اهتم بضغط الهوا بالعجل 3- نصيحه تحط في العجل نيتروجين هتظبط العربيه اوي 4- اما تيجي تنقل بالفتيس اتك علي الدبرياج للنهايه لان لو نصف تكه هتقلل من عمر الفتيس 5- مون بنزين 92 لان هتخليا لموتور افضل معاك 6- متنقلش الا بعد ما يعدي العداد الار بي ام ال 3 و نصف عشان متحسش ان سحب العربيه وحش لان العربيه متصممه علي كده وربنا يباركلك فيها و يكفيك شرها |
رد: استفسارات عن اسبرانزا a516
أولا ألف مبروك ربنا يديك خيرها و يحميك من شرها
1- حسب أغلبية التجارب أحسن مراكز الخدمة بو رواش و تكنوسيرفس 2 2- أيوة الصيانة فى معظم مراكز الخدمة تحتاج حجز مسبق إلا فى حالات الطوارئ 3- هى المشكلة فقط فى نوعية زيت الموتور اللى بيبقى فى العربية و هو زيت التليين و مش مصنع للاستخدام لمدة طويلة 4- معايا الريموت مش بيعلق ..لكن ممكن تكون بطاريته ضعيفة و عايزة تتغير 5- موضوع حشر السى دى ده متكرر لكن ليه حل أولا إخراج السى دى المحشور بأحد الطرق التالية - تقفل الكاسيت و بعدين تفتحة تانى و تجرب تعمل Eject g .... كرر الموضوع كذا مرة - إضغط على مفتاح Eject لمدة عشرين ثانية - إضغط على Eject باستمرار مع محاولة مساعدة السى دى فى الخرج بملقاط أو بألة حادة لكن بدون عنف - رش إسبراى التنظيف المذكور فى اﻷسفل ثم اﻹنتظار عشر دقائق ثم الضغط على Eject لمدة عشرون ثانية ثانيا تنظيف مدخل السى دى بعد إخراج السى دى المحشور يجب تنظيف مدخل السى دى باستخدام منظف السى دى و هو عبارة عن اسبراى بيتباع عند بتوع إكسسوارات السيارات و في منه أنواع مختلفة حاجة شبه إللى فى الصورة http://www.rapidonline.com/netalogue...M061599W01.jpg |
رد: استفسارات عن اسبرانزا a516
ملحوظة هامة
أفضل سرعة لنسخ اﻷغانى على السيديهات هى 28 |
رد: استفسارات عن اسبرانزا a516
اقتباس:
مش عارف بصراحه اي حوار الحجز ده انا عمري ما حجزت في اي مركز صيانه بروح اعمل الصيانه و انا واقف اينعم بقف بتاع 4 ساعات بس في يومها وتقبل تحياتي |
| الساعة الآن 05:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017