مصر موتورز مجتمع السيارات - اجيب صباية ولا اجيب بازوكا ..؟؟؟ ساعدونـىىىىىى

مصر موتورز مجتمع السيارات (https://www.masrmotors.com/vb/index.php)

- أطقم الصوت والمالتى ميديا (https://www.masrmotors.com/vb/forumdisplay.php?f=125)

- - اجيب صباية ولا اجيب بازوكا ..؟؟؟ ساعدونـىىىىىى (https://www.masrmotors.com/vb/showthread.php?t=32761)

اجيب صباية ولا اجيب بازوكا ..؟؟؟ ساعدونـىىىىىى

كل سنة وكل الناس بخير ان شاء الله

راى حضرتكم اجيب بأزوكـا

ولالالا صباية ؟؟

ولو صباية او بازوكا اجبها اية وكام وات عشان تعمل صوت جامد

واجبلها جى ام ايةة وكام وات

معلش هتعبكم معايا شكررررررررررررا ً

رد: اجيب صباية ولا اجيب بازوكا ..؟؟؟ ساعدونـىىىىىى

أولا ألف مبروك, وعقبال ماتجيب كاسيت دبل دين وصب جاك هامر كمان.

ثانيا, البازوكا غالية أوى, وهتقفل مع ألأمبليفاير 1000 جنيه, ومالهاش لازمة وهقولك ليه.

البازوكا ماهى ألا صب محطوطة فى أسطوانة دائرية, وعلى فكرة شكل المكان اللى الصب بتتحط فيه وأبعاده بتفرق جدا فى الصوت الخارج منها (الشكل صندوق بأشكاله المختلفة أو أسطوانة), وهل فيه فتحة ولا لأ وشكل الصندوق ليه حسابات معينة مقرفة مالناش دعوه بيها.

المهم, البازوكا هتعمل حوالى 600 جنيه و 300 وات مستمر, الصب هتعمل 380 جنيه لوحدها من غير صندوق وحوالى 500 وات مستمر.

فيه ناس بتجيب الصب لأنها أقوى وأرخص, وألأسطوانة بتاعة البازوكا بتتباع لوحدها ب 80 جنيه, ويركبوا الصب فيها وبقى عندهم بازوكا قوية وبسعر رخيص.

الفرق بين شكل الأسطوانة (بازوكا)والصندوق(صب) هو أن الأسطوانة الصب فيه أستجابتها للبيز أسرع وأقوى, يعنى بتعمل البيز المتقطع السريع بكفاءة أعلى من الصب (دب دب دب دب)

الصندوق الصب فيه بقى البيز بتاعها أعمق و بتعمل البيز المتواصل بكفاءة أعلى من البازوكا, علشان كده ينصح بأن الصندوق يستعمل فى البيت علشان ملائم للتلفزيون والأفلام أكثر( ووووووووه), وبأن البازوكا تستعمل فى العربية علشان أستجابتها والبيز بتاعها المصمم للأغانى.

أنا أنصحك تجيب صب و أسطوانة بازوكا وتركب الصب فيها, والأمبليفاير حسب الوات المستمر والماكس بتاع الصب وحسب فيه كام تشانل, وصعب أشرح هنا الصوتيات, فخلى البائع يختارلك أمبليفاير كويس علشان لو معجبكش تخرب بيته.

رد: اجيب صباية ولا اجيب بازوكا ..؟؟؟ ساعدونـىىىىىى

والصب هاتها متقلش عن 300 وات مستمر rms .

الراجل هيقولك 1000 وات و800 وات, دى أقصى قدرة السماعة بتعملها, وعمليا مالهاش لازمة, أسئله ال rms بتاعها كام, ال rms هو القدرة اللى الصب تقدر تشتغل عليها بشكل مستمر ودى أهم من القدرة القصوى للصب ودى لازم تكون فى حدود من 200 الى 500 علشان تسمع بيز قوى وبتفرق جامد جدا.

الأمبليفاير لازم الوات الماكس بتاعه يكون أعلى من الوات المستمر بتاع الصب علشان يقومها كويس, وفيه أمبليفايرات واحد تشانل وأثنين تشانل وهكذا, كل تشانل لسماعة, وينفع توصل سماعة على 2 تشانل أو حتى4 علشان تستعمل أمبليفاير ضعيف لصب قوية.

ولازم مقاومة الأمبليفاير تبقى زى الصب بالظبط, أو أكبر منها فى حالة أذا كان الأمبليفاير ضعيف.

شفت ليه قلت خلى البائع يختارلك؟

رد: اجيب صباية ولا اجيب بازوكا ..؟؟؟ ساعدونـىىىىىى

اولا ً أمين يسمع من بوقك ربنا ,, دانا لسة هشترى كاست ومش عارف اجيبة نوعه اية

ثانيا : الف الف شكر انجيكشان وشكرا ً على المعلومات الجميلة دى

بس بردة انا هرخم عليك :d

الصباية اجيبها اية بايونير ولا كينود ولا سونى

ولو جبت اى واحدة من التلاتة بخبرتك كدة اجبها جى ام كام مع العلم ان عندى جى ام 600 وات سونى

شكرا ً انجيكشان معلش هرخم عليك

رد: اجيب صباية ولا اجيب بازوكا ..؟؟؟ ساعدونـىىىىىى

أنا طبعا مجربتهمش كلهم, بس أنا أنصح بالبايونيير والكينوود بس.

ولما تشترى الصب, أفحص جسم السماعة كويس قوى, وشوف فيه حاجة مش سليمة ولا لأ علشان السماعات بتبوظ من طول التخزين, يعنى بص كويس على جلد السماعة المحيط بالمخروط بتاعها والأسبيدر أو الجزء المتعرج اللى بيبقى ماسك المخروط من تحت, ويفضل أنك تجيب من محل الطلب عليه كبير علشان بضاعته بتبقى متجددة.

والأمبليفاير كويس على الصب بس لازم مقاومته تبقى زى الصب لأن الأمبليفاير مقاومته 4 أوم مثلا بيطلع 50 وات لسماعة مقاومتها 4 أوم, ولو السماعة مقاومتها 2 الأمبايفاير هيدخلها 100 وات والعكس وعلى الأقل لو منفعش نبقى نشوف واحد تانى