الحقوني .. عربيتي فيات 127 فيها مشكلة في السحب
 

انا عارف ان منتدنا محترم وفيه ناس اساتذة سيارات فياريت حد يجاوبني ؟؟
انا والحمد لله لسه عامل عمرة كاملة للموتور فكنت عليز أسال كم سؤال ؟؟ نبتدي
1- احسن نوع زيت احط ايه ؟؟ عشان احافظ علي عمرتي
2- احسن طرق المحافظة علي الموتور ؟؟
3- دلوقتي انا العربية معايا في اول تلت غيارات سحبها عالي وكويس جداً بس علي الرابع ما بتعديش ال 100 كم والسحب قليل والعزم ضعيف علي الرابع بس !! (( العربية 4 غيار بس ))
4- كنت عايز اركبلها شوية حاجات كده تزود الاحصنة زي فلتر هواء و بوجيهات ... إلخ طب اسعارها كام
5- هوا ينفع اركب علي فيات 127 مو 84 موتور اقوي او تربو ؟؟ !!!! معلش انا لسه جديد في الحكاية دي
6- الفيتس 5 غيار امامي و1 خلفي يبقي احسن من 4 غيار اللي راكب فيها ؟؟ واجيبه منين وسعره ايه والقديم اعمل في ايه مع العلم انه تمام ؟؟

وشكراًً أرجو الافادة

رد: الحقوني .. عربيتي فيات 127 فيها مشكلة في السحب
 

ركب موتور الاونو وده بحوالي 4000 جنيه
او ممكن بتاع الاونو التربو وده معرفش بكام
ولازم تغير الفرامل والعفشة وتقوي الشاسيه
وموتورك يتحسب بحوالي 400 إلي 500 جنيه

رد: الحقوني .. عربيتي فيات 127 فيها مشكلة في السحب
 

ممكن معلومات عن موتور الاونو ده ثانياً انا موتوري لسه متعمر و 500 جنيه دول مش فلوس ده انا عامل عمرة كاملة بستم وشمبر مكلفاني 1650 جنيه واللهي وعند واحد معرفة كمان.

رد: الحقوني .. عربيتي فيات 127 فيها مشكلة في السحب
 

السلام عليكم ورحمة الله
انصحك بعدم تغير موتور السيارة لأنك لسة عمله عمرة وفعلا مش هيجيب همو زاى ما قالك استاذ ميدو .
التجار بخفسو بسعر اى حاجة الارض دا غير ان موضوع انك تسقط موتور هيكلفك جامد.
وربنا يوفقك للى فيه الخير بأذن الله
تقبل مرورى

رد: الحقوني .. عربيتي فيات 127 فيها مشكلة في السحب
 

+++++++1
واضيف على هذا :
التعب اللى هتشوفة فى المرور لاثبات الماتور الجديد
والوقت الكبير اللى هيضيع فى تقوية شاسية وفك وربط وخبط
والعربية مش هتطلع مضبوطة ف النهاية بنسبة 100 % ابداَ
وفتى الصنيعية ما شاء الله هتشبع منة كتير .. لا انصحك ابداَ فى تسقيط موتور
موتورك ممكن يكون لسة محتاج وقت عبال ميـــطبع .. وبالتالى هتحس انة تقيل والعادى
انك تحس انة تقيل وسرعة التجميع قليلة شوية عن قبل العمرة .. دة الصح
الغيار الاخير وهو الرابع عموما ابطئ شوية بسيطة من الغيارات اللى قبلها دة العادى
وحاول متحرقش غيارات ومفيش داعى انك تمشى على اخر الرابع .. العربية خفيفة فى مقاومة الهوا
فخلى بالك من دى ... وتأكد ان حالة الكربراتير والفتيس كويس .. خصوصا الغيار الرابع
انت لو مشيت من 80 ك لـ 100 ممتاز جدا جدا للـ 27
فلتر الهواء الرياضى والبوجيهات مش هيضيفو اي احصنة ابداَ للموتور فخلي بالك
كل ما ف الامر ان الموتور هيفوق شوية لا اكثر لو الفلتر عندك مكتوم والبوجيهات مكربنة بشكل بسيط الموتور مع الوقت هيطبع ويجمع معاك ..ادعوا الله ان يوفقك ويرزقك خيرها ويبعد عنك شرها