مصر موتورز مجتمع السيارات - سؤال بخصوص رينو كليو 2002 الشكل الجديد

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - سؤال بخصوص رينو كليو 2002 الشكل الجديد (https://www.masrmotors.com/vb/showthread.php?t=29113)

سؤال بخصوص رينو كليو 2002 الشكل الجديد

أنا لسه شارى عربيه رينو كليو 2002 الشكل الجديد بحاله جيده وفابريكه وتمام ...وكان معايا رينو أوبتيما 97.. العربيه بتمشى تمام وزى الفل بس فى مشكله أوقات لما بقف بالعربيه وأتحرك تانى بسمع صوت كركره وأوقات العربيه بتبطل ..بصراحه مش عارف أيه المشكله بالظبطت لأنها مبتحصلش على طول أول ما أتحرك ...ممكن عشان مش متعود على الدبرياش بتاعها عشان مختلف عن الأوبتيما ...ياريت ياجماعه لو حد معاه العربيه دى يقدر يفيدنى فى الموضوع ده ولكم جزيل الشكر

رد: سؤال بخصوص رينو كليو 2002 الشكل الجديد

اقتباس:

المشاركة الأصلية كتبت بواسطة comando (المشاركة 206233)

باشا بالنسبه لموضوع الكركره
لو فى الطلعه فقط يبقى ده رجل حضرتك مش واخده على الدبرياج ودى هتتظبط مع الوقت
لو فى الطلعه ووقت ما بتكبس بنزين للعربيه يبقى ده عيب البنزين جرب تحط 92 من محطه كويسه
وارجو ان المشكله تتحل بسرعه بأذن الله والف مبروك على العربيه الجديده يا باشاوياريت تنورنا كتير فى القسم

رد: سؤال بخصوص رينو كليو 2002 الشكل الجديد

الله يبارك فى حضرتك ومتشكر جدا على الرد الجميل ده
وشكلها من البنزين لأنى لما بشيل رجلى من على الدبرياج وبدوس بنزين فى الطلعه بس بيحصل الصوت ده وأنا كمان حطيت 90 مش 92 ممكن يكون هو الى عمل المشكله دى ولا أيه راى حضرتك؟؟؟
وأنا سعيد جدا بالقسم ده وعاجبنى التعاون الموجود فيه وشكرا جزيلا

رد: سؤال بخصوص رينو كليو 2002 الشكل الجديد

اقتباس:

المشاركة الأصلية كتبت بواسطة comando (المشاركة 206885)

هو حتى لو 90 برضه المفروض الصوت ده ميطلعش بس شكلها كده خدت بنزين 90 مش نضيف او مغشوش حضرتك خليك فى محطه مضمونه وحطلها 92 احسن هتريحها فى السحب وبتفرق عن تجربه والله
وربنا يوفقك والمشكله تطلع فى البنزين واهم حاجه ان حضرتك تنورنا كتير فى القسم ونتشرف بيك فى المقابلات كمان

رد: سؤال بخصوص رينو كليو 2002 الشكل الجديد

تم حل المشكله والعربيه كانت محتاجه طقم دبرياج وقاعده موتور وتم تغييرهم والحمد لله العربيه بقت تمام