|
سوال هام عن استهلاك البنزين للفيرنا
ارجو من السادة الافاضل مستخدمى الفيرنا ان يفيدونى ما هى سعة تنك البنزين بالنسبة للسيارة فيرنا وما هى كمية البنزين المتبقى فى التنك عندما تنور لمبة البنزين وما المسافة التى يمكن ان تسيرها السيارة بهذه الكمية المتبقية دون ان تؤثر فى سير السيارة وعندما افول تنك البنزين ما هى المسافة التى تسيرها السيارة بهذه الكمية اسف على الاطالة ولكن للافادة لنا جميعا وشكرا |
رد: سوال هام عن استهلاك البنزين للفيرنا
اقتباس:
اولا اهلا بيك معانا يا استاذ عبد الظاهر وبالنسبة لموضوع البنزين للفيرنا سعة التنك 45 لتر بالتمام والكمال لمبة البنزين بتنور والعربية بيكون فيها 10 لتر تقدر تمشي بيها كحد اقصي 100 كيلو في طريق مفتوح و 50 كيلو في الزحمه بالنسبة لاستهلاك البنزين ده له عوامل كتير جدا حمولتك قد ايه الطريق عامل ازاي زحمة ولا مفتوح كويس ممهد انك تمشي عليه والعربية مستريحة ولا مليان مطبات وحفر وهل مشغل التكييف ولا قفله فاتح الزجاج ولا قافله الطريق فيه مطالع كتير ولا مستوي عمتا انا عن نفسي جيت من اسكندرية للقاهره وكان معايا 3 في العربية غيري طبعا يعني كلنا 4 افراد وواخد الطريق الصحراوي وشغلت التكييف لمسافة 40 كيلو من بداية المحور لحد البيت عندي العربية عملت معايا بالظبط 303 كيلو في 13 لتر بنزين واي استفسار تاني اخوك احمد في الخدمة وتقبل تحياتي |
رد: سوال هام عن استهلاك البنزين للفيرنا
الف شكر ليك يا استاذ احمد على هذا الرد الجميل وشكرا للافادة
|
رد: سوال هام عن استهلاك البنزين للفيرنا
الله يخليك يا استاذ عبد الظاهر واي استفسار تاني اخوك احمد في الخدمة دايما
|
رد: سوال هام عن استهلاك البنزين للفيرنا
يا استاذ احمد 300 كيلو فى 13 لتر لية يا حج دا اساسا فى الكاتلوج بتاعها المعدل المثالى بتاعها 7 لتر لكل 100 كيلو على سرعة 90 كم فى الساعة وفى درجة حرارة معتدلة تقولى انت 300 على العموم انا بعمل من 300 الى 350 فى التانك كلة فى البلد وعلى السريع بتفرق طبعا
|
| الساعة الآن 02:34 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017