|
لو انت جديد فى السواقة ممكن تجيب جدبد ولا قديم
ياجماعة انا الحمد لله تعالى جالى فلوس وكنت ناوى اجيب ريجاتا بس الحمد لله ربنا فتحها انا دلوقتى معايا 70 الف جنية حلو جدا وعلى قدى انا جديد سواقة وميح وهى مرتين اللى تدربت على عربية خالى اجيب بقا حاجة كويسة ولا حاجة اتعلم عليها وبعدين ابيعها خالى بيقولى يابنى الحلال انت من اول مرتين سوقت حلو جدا فخدلك حاجة زى الانسر وخلص وبلاش وقع قلب القديم وقرفه والدى بيقولى ولو حتة بريمو انت لسه جديد وماتتضمنش ولسه انت ماتعرفش كتير عن الطريق وخباياه اعمل ايه ياجماعة على فكرة ياجماعة انا محتار جدا جدا فوق ما تتخيلو نفسى اجيب عربية وارتاح فيها كده وتكييف وراحة وماوجعش قلبى مع القديم وفى نفس الوقت هيجيلى سكتة قلبية على فلوسى لو العربية حصلها حاجة يلا بقا احتاروا معايا اشمعنا انا احتار يعنى يلا السلام عليكم |
رد: لو انت جديد فى السواقة ممكن تجيب جدبد ولا قديم
قدييييييم,أنا علمت نفسى على لانوس وبقالى ثلات سنين باسوق أول سنة العربية أتطحنت ودلوقتى فيها خبطات وخدوش أكثر من شعر راسى.
القديم بيستحمل وسواقة القديم بتعلم الواحد حاجات كتيرة فى الميكانيكا وهكذا و لو جيت تبيعها مش هتخسر كتير, وسبعين الف مش قليلين, حرام تجيب عربية جديدة وفى أحتمال يحصلها حاجة. ده اللى بيجيب عربية جديدة وتتخدش منه بيبقى هيعيط. وأنا مع رأى والدك ربنا يديه الصحة, بس الحادثة بتيجى فى أى وقت بعد سنة أو خمسة المهم أن ضميرك يبقى مستريح وعارف أنها مش غلتطك , ودى بتيجى من المشى الكتير فى الشارع والتجربة والخطأ. بس فى الأخر الرأى رأيك وعقبال البى أم. |
رد: لو انت جديد فى السواقة ممكن تجيب جدبد ولا قديم
انا مع الجديد لكن مع التامين عليه
و الاحسن ليك حاجة كسر زيرو او استعمال خفيف مع التامين برضة و ربنا يستر طريقنا |
رد: لو انت جديد فى السواقة ممكن تجيب جدبد ولا قديم
اللي بيتعلم علي جديد بيتعلم سواقه صح
مش لازم تجيب زيرو بس هات حاجه فوق ال 2005 علشان ترتاح من قرف المستعمل |
رد: لو انت جديد فى السواقة ممكن تجيب جدبد ولا قديم
جديد طبعاً شفلك لانوس موديل 2006 أو 2007 حتكون فى حدود 47000 ج تكييف وباور ودول كفاية أنما تقولى ريجاتا ! حرام عليك تعذب نفسك طالما فى إمكانية للراحة وهى القدرة الشرائية لفئة سعرية محددة " 70000 ج " أشترى لانوس مستعمل ووفر بقيت الفلوس ،،، وربنا يهديك للى فيه الخير |
| الساعة الآن 03:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017