|
تأثير الجنوط والكاوتش على ثبات السيارة
السلام عليكم ورحمة الله وبركاته جميعآ
برجاء تقبلونى ضيف جديد الى الاخ مصراوى بارك الله فيك ونفعناالله بخبرتك فى مجال السيارات سؤال هل كل من يشترى سيارة جديدة ويحب يضبط اداؤها فى السير والجرى والثبات على الطريق شرط ان يقوم بتغير الجنوط الحديد بجنوط اسبور مقاس اكبر وكاوتش اعرض واوطى ولك جزيل الشكر |
رد: تعلم كيف تجمع بين الشكل و المضمون فى اختيارك للسيارة و لمكوناتها
اقتباس:
مرحبا بك اخ عزيز لنا فى المنتدى على حد علمى اذا كنت تعانى من اداء سيىء للسيارة فى الجرى و عدم الثبات على السرعات العالية فليس امامك حل غير تغير الجنوط القديمة و استخدام كاوتش اعرض للحصول على ثبات افضل و الحقيقة اننى لم اضطر لفعل هذا الموضوع فى يوم من الايام فى ثلاث سيارات بدلت فيهم لذلك لا استطيع ان اجزم اذا كانت النتيجة ستكون بنسبة 100% ام لا |
رد: تعلم كيف تجمع بين الشكل و المضمون فى اختيارك للسيارة و لمكوناتها
اقتباس:
واهلا بيك يا استاذ احمد عضو واخ لينا فى اسرة مصر موتورز حضرتك تعلم ان اى عربية لا سيما لو كانت عربية (عادية) للركوب (مش رياضية) بتتصمم بقدر المستطاع بموازنة بين اداء العربية وبين راحة الركاب وممكن كمان تكون الاولوية للراحة اكتر من التادية علشان كده التركيز فى مجموعة التعليق (العفشة) والكاوتش بيبقى على الراحة اكتر لكن للحصول على اداء اعلى فى الثبات والمناورة لازم يتغير تصميم المكونات ديه للشكل الرياضى وده على حساب الراحة زى ما قولنا قبل كده الكاوتش والجنوط من الاساسيات اللى تعديلها بيغير فى اداء العربية فى ( الثبات على السرعات - المناورة - الفرملة - التسارع) بشكل كبير وده نظرياً وعمليا (عن تجارب) بس طبعا اختيار التصميم المناسب يحتاج لتحديد مستوى الاداء المطلوب اولا لو حضرتك عايز اداء رياضى حقيقى والعربية قوتها تسمح بده يبقى لازم (تغير جنوط - كاوتش - عفشة) سبور مش بس الكاوتش او الجنوط لو حضرتك عايز تعزز ثبات العربية على السرعات وفى المناورات ديه ابسط حاجات ممكن تتعمل تهتم بحالة كل من المساعدين - السوست - الزوايا - الترصيص وحالة الكوتش عامة مع تغيير كل من الجنوط بجنوط سبور (انسب للكاوتش العريض) كاوتش اعرض (فى المداس) ارفع (فى التخانة) علما بان ده بياثر على مرونة العفشة وقد يساعد على اهلاك (بلى العجل) بمعدل اسرع من العادى كمان ده بياثر على اداء العربية فى التسارع (السحب) و ان كان افضل فى الفرملة اجمالا التعديل فى الكاوتش والجنوط لو اتحسب صح بيدى نتائج ممتازة فى الثبات بالمقارنة بتكاليفة وسهولة تنفيذة اتمنى اننا نقدر نفيد حضرتك واهلا بيك مرة تانية |
رد: تأثير الجنوط والكاوتش على ثبات السيارة
السايت دة بيحسب حجم الجنط المناسب
http://www.tyresave.co.uk/tyresize.html ودة كمان بيحسب حجم الجنط وبيديك النسبة المؤية التى تمثل تأثير المقاس الجديد على السيارة, و أيضا الاختلاف الذي سيحصل في عداد قراءة السرعة http://www.miata.net/garage/tirecalc.html اما دة بتختار منة العربية وبيجيبلك الجنوط بتاعتها وكمان بيوريك الجنط على العربية وفية حاجات تانى مجربتهاش http://www.performancealloys.com http://img301.imageshack.us/img301/1198/cartd9.jpg http://img228.imageshack.us/img228/9376/car2hl9.jpg |
رد: تأثير الجنوط والكاوتش على ثبات السيارة
الله ينور يا مشاكس
مواقع مفيدة |
| الساعة الآن 11:41 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017