النترا بعد الجنوط
 

الفيديو ده اهداء لاخى بدر بسيونى لتوضيح جمال سواقه الالنترا بعد تركيب الجنوط وعندى حاجات تانيه كتير بس مش عاوز اخضكم
ملحوطه انا سايق وفاتح الزجاج بتاعى وبصور بالايد اليمين وسايق بالشمال والارض مليانه مطبات هواومتخافوش انا المتوسط بتاعى من 140 ل 170


http://www.youtube.com/watch?v=TYSJ3hOMRiI

رد: النترا بعد الجنوط
 

بسم الله ماشاء الله ربنا يحميك ويباركلك فيها ويكفيك شرها :clapW15:

بس قولنا هى الجنوط كام مقاسها بالظبط ونوع الكواتش ايه ونقشته شكلها ايه
وفيه ثبات فى المناورة ولا على السرعات وانت ماشى طوالى بس ؟
وايه الطريق ده ؟ وايه اللمبة الاورانج الى عمالة تنور فى التابلوه ديه ؟
وسؤال اخير معلش انت متعود على السرعات العالية ديه تسوق بايد واحدة ؟ علشان انا بعد ال 120 فى اى عربيه ايا كانت لازم اكلبش فى الدريكسيون بايدى الاتنين ptmnlo123per1140

اوعى تعمل زيه يا بدر يا خويا انت عندك عيال ptmnlo123per127

رد: النترا بعد الجنوط
 

الله يباركلك يا باشا انا كمان معايا النترا و هي فعلا عربية روعة و ثابته جدا على الطريق و بمشي بيها على سرعات عالية بس طبعا لما ظروف الطريق تسمح لأني مش من مؤيدي السرعة الغير مبررة بس ساعات بحتاج اعرف امكانيات عربيتي
انا الانترا بتاعتي 2010 بس فيها مؤشر حرارة و اللمبة دي اعتقد هي لمبة ال120 الى بتعرف السائق انه تخطي ال120 هي في التابلوة بتاعي على الشمال تحت بس اعتقد ان هي دي نفس اللمبة
ولا اية يا باشا؟؟؟؟
عموما حبت اشكرك على الفيديو الجميل و يا ريت تعرفني الجنوط دي مقاسها كام و منين و بكام عشان عايز اجنط عربيتي

رد: النترا بعد الجنوط
 

جميل جدا بس برضة اكبر غلط انك تسوق بايد واحدة لازم تكون مع هذة السرعة انك تقود بشكل احترافى يعنى لازم تمسك الطارة بايدك الاتنين وفى طريقة لمسك الطارة وكمان الحادث بيقع فى جزء من الثانية ورد فعلك حيكون ابطا خلى بالك هناك اسرة تنتظرك واهلك خطر جدا السرعة دى ان كنت انت متمكن من نفسك مش ممكن ابدا تضمن الطريق ولا الغير والمشاه او اى حاجة تطلع فى الطريق اسف جدا بس انا ليا صديق صديق لسة عملحادث انقلاب ولفت العربية فى الهوا 360 درجة وهى كانت على سرعة 60 بس انت متخيل هو مكنش على الاسفلت كان فى البر فى الصحراء لمجرد انزلاق بسيط ونتوء خفيف ادى اى انقلاب كن حذرا تبقى سالما وسلامتك اولا وتقبل خالص التحية
طبعا الالنترا سيارة جميله وقوية وشيك ومتينة وذات جودة طبعا انا بشوف فيها كل مميزات الكورولا لكن طبعا تفوقت عليها لية لان عامل السعر لازم احطة فى الحسبان وهو مقابل كل تلك المميزات لازم سعر ذكى ودهذة هى القيمة الاجمالية ومع عامل السعر تفوقت طبعا الالنترا وشكرا هيونداى وشكرا lol64

رد: النترا بعد الجنوط
 

وائل باشا اللمبه الحمرا دى اللى فى التابلوه بتاعت السرعه بعد ال 120هى بتدى صوت رنه حوالى 6 مرات وبعدين تسكت ويبقى نور تنبيه بس
بالنسبه للجنوط هى 15 والكاوتش هانكوك الاصلى بتاعها مع ملاحظه انه مش عاجبنى لانى بدلته ببريدجستون اعرض من واحد صاحبى معاه النترا 2006 ورجعه تانى لانه حس بالفرق جامد وانا كمان مش قادر انساه كاوتش هايل
مقاس الهانكوك 185-65-r15-88h
وان شاء الله هاغير الجنوط الاسبور ال 15 ب 16 وكاوتش بريدجستون عريض وصدقونى ياجماعه فعلا بتفرق جامد واسال واحد مجرب الموضوع ده مش اى حد تانى
بالنسبه للمناورات ممتازه جدا وعلى طريق السويس مثلا انا ولانسر سوبر اكشن كنا بنستعرض بين العربيات النقل وسرعات فوق ال 160 وسلمنا على بعض فى اول الدائرى وطلع مدير مقيم فى فندق فى الغردقه

نصيحه للى يشترى النترا
اولا يجيبها خليجى ويتحرق التوكيل على اللى فيه لان الفرق شاسع فى الدهان وفى كل شئ
ثانيا يجيبها بجنوط وabs