مصر موتورز مجتمع السيارات - حيران يا جماعة - ياريت تساعدوني

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

حيران يا جماعة - ياريت تساعدوني - رينو سكالا أو نيسان صني؟؟

أنا ناوي اشتري عربية جديدة عائلية و بعد وقت طويل من اللف و التعب ، استقر رأيي على عربيتين " رينو سكالا" و " نيسان صني".

العربيتين متشابهتين في حاجات كتيرة و ده اللي مصعب علي أخذ قرار الشراء.

رينو سكالا بتتميز بالاتي: موتور ياباني و تقفيل كوري، جنوط سبور ( النيسان صني سوبر جنوطها عادية )، كمبيوتر رحلات، طارة مالتي، جهاز Immobilizer ضد السرقة، وشكل محدث و مطور.

أما النيسان موتورها ياباني بس في شوية حاجات تقفيل مصري زي الشكمان-الكاسيت-الزجاج-البطارية-الفرش عدا ذلك فهي ياباني. عندها قوة الموتور أعلى ( 118 حصان مقابل 107 للسكالا )، اطارات بريدجستون بينما kumho للسكالا، جهاز انذار و أرخص 3000 جنيه.

فالصراحة أنا محتارأحتار مين بالظبط. لو كان قوة المحرك بتاعة السكالا مماثل لللنيسان كنت اخترت سكالا على طول بس في فرق بتاع 11 حصان.

** أنا سمعت أن موتور العربيتين واحد فازاي يبقى قوتهم مختلفة، ياريت لو واحد يفيدني في الموضوع أكون ممتن ليه**

كمان ياريت لو ما أكونش بتقل عليكم بأسئلتي هل قي فرق مابين وكيل رينو أو نيسان من ناحية الصيانة و قطع الغيار ولا الاتنين كويسين و ما فيش اختلاف كبير؟

مستني ردودكم و شكرا مقدما :HAPPY_~211:

رد: حيران يا جماعة - ياريت تساعدوني - رينو سكالا أو نيسان صني؟؟

انا محتار زيك بالضبط و اكتر , ياريت حد يفهمنا خاصة ان ال سكالا شكلها احسن و احدث

رد: حيران يا جماعة - ياريت تساعدوني - رينو سكالا أو نيسان صني؟؟

رينو سكالا ... كماليات اعلى من نيسان صنى

فى انتظار الرد ..... ايهم افضل ؟
هل نيسان صنى هتكون فى مصر مودييل 2011

رد: حيران يا جماعة - ياريت تساعدوني - رينو سكالا أو نيسان صني؟؟

طيب يا باشا ليه الاختلاف فى قوة الموتور ؟ مش هما نفس العربية يعنى ال سكالا بتنزل برة باسم نيسان صنى ؟ ولا هى مصر دايما بينزل ليها الحاجات التعبانة؟

رد: حيران يا جماعة - ياريت تساعدوني - رينو سكالا أو نيسان صني؟؟

كود موتور النيسان صني هو qg16 de
و هو نفسه كود موتور الرينو سكالا
فبالتالي الاتنين نفس المحرك
اما بالنسبه لاختلاف القوه الحصانيه فدا بيرجع لتعديلات طفيفه في الموتور
يعني تغيير في وش الصبابات و زاويه فتحها و غلقها و توقيتها دا اللي ممكن يسبب فرق القوه

بالنسبه للشاسيه و هو N16 للنيسان صاني
و هو نفسه شاسيه السكالا !!!!

نظريا العربيتين واحد و الكفه ترجح لصالح السكالا
شكل احدث و تقفيل كوري و ما الي ذلك من مميزات
و لكن...
لسه محدش جربها و انا شخصيا مش حقدر اقول عليها كلمه غير لما اجربها او اشوفها بعيني