مصر موتورز مجتمع السيارات - حكاية حضرتك فى توكيل سيارة حضرتك

أدخل و قول وأقراء مواقف و طرائف فى مراكز الخدمة

أنا هبتدى بنفسى و أحكيلكم موقف ظريف حصل معايا فى مركز خدمة زى ما البعض منك عارف انا مهندس ورشة فى أحد مراكز الخدمة المعتمدة و لكنى بفضل الله معروف فى معظم مراكز الخدمة لأنى عملت انترفيوهات كتير جدا و كمان دفعتى فى الكلية و الدفعات اللى قبلى و اللى بعدى منتشرة فى مراكز خدمة كتيرة

لكن انا هتكلم على إنى عميل لأن الموقف ده حصل و انا مع عمى و كنت رايح أغير قطعة غيار ضمان للعربية بتاعته و هيا بالمناسبة فولكس بوينتر [/]المهم دخلت على مهندس الأستقبال و سلمت عليه و قللتله ( ممكن أفتح امر شغل عشان اغير فردة كلاكس؟) قالى (انت حاجز؟) قلتله (لأ) قالى ( العربية هتبات) قولتله (ليه؟) قالى (الورشة متحملة على الأخر قلتله (دى فردة كلاكس بصامولة عشرة و بس مافيهاش فن يعنى) قالى بثقة ( و ايه اللى عرفك انها فردة كلاكس؟) قولتله ( انا المهندس --------- شغال فى ---------- و رثيس قسم ضبط المحرك و الكهرباء و انامتأكد ) قالى ( أهلا و سهلا يا بشمهندس) قولتله ( أهلا بيك) المهم فتح أمر الشغل تقريبا الساعة 10 الصبح و دحلت الورشة و سلمت على مهندس الورشة كنت متعرف عليه و كمان الفنيين يعرفونى سلمنا على بعض و العربية خلصت بعد 3 دقايق من دخولها الورشة طلعت عشان أخد تصريح الخروج و للأسف و بدون اى سابق انذار النور اتقطع عن المركز قلت لمهندس الاستقبال (انا مش عايز فاتورة هبقى اخدها بعدين ) قالى (انا لسة ماقفلتش امر الشغلعلى السيستم ) قولتله ا(لعربية شغلها ضمان يعنى مفيش فلوس ممكن أخدها و لما يجى النور قفل امر الشغل براحتك ) قالى ( ماينفعش ممكن يكون مصروف على امر الشغل حاجة تانية مش ضمان ) قوله ( مفيش حاجة اتصرفت ) قالى( انا مضمنش ) و رالسه و الف ------------ قديمه انى مش هاخد العربية غيرلما امر الشغل يتقفل و الفاتورة تطلع و ده طبعا لما اللنور يجى
و فضلت قاعد يا ولداه لحد الساعة 7 مساءا لحد ما النور جيه

ptmnlo123per1106