ممكن حد يحببني في الأوكتافيا؟؟
 

السلام عليكم و رحمة الله
دة أول موضوع ليا في قسم ال SKODA
و كعادة مواضيعي في هذا المنتدى الحبيب الاستفسارات
لأني ناوي إن شاء الله أغير عربيتي قريب جدا ( شهر ابريل السنة الجاية:HAPPY_~211:)
وكان ليا مواضيع مقارنات في أقسام أخرى و كان تفكيري كله متركز على الكورولا ( لو حانتكلم في الفئة السعرية حوالي 150000)
بس لقيت أعضاء كتير بتنصحني بالسكودا فانتازيا
مش عارف ....
أنا مش متعاطف أوي مع السكودا لأن تاريخها مش عريق زي التويوتا على الرغم من اني مقتنع انها سيارة كويسة بدليل انها اثبتت نفسها في السوق المصري , كمية المبيعات , سعر اعادة البيع , .....
أنا ليا أصحاب كتير في الشغل معاهم اوكتافيا و تقريبا ماحدش اشتكى منها غير في حاجات بسيطة زي ضيق الكنبة الخلفية , السيارة خشنة شوية يعني مش ناعمة زي الياباني , .....
ممكن حد يديني مواصفات السيارة حاليا و أسعارها ( بالنسبة للأوتوماتيك ) و هل فعلا سعرها نزل عن أول ما نزلت ولا لأ
و يا ريت لو يعقد مقارنة منصفة غير متحيزة بينها و بين التويوتا كورورلا
مشكورييين و ياريت ردود سريعة لأني زي ما قلتلكم مستعجل جدا ( ابريل 2011):HAPPY_~211:

رد: ممكن حد يحببني في الأوكتافيا؟؟
 

رد: ممكن حد يحببني في الأوكتافيا؟؟
 

طبعا انا مجربتش السكودا لكن فى حدود علمى وتقديرى ووجهة نظرى انها مصممة لكى تكون كبديل لسيارات فولكس فاجن كما الحال تماما مع السيات حيث انهما ضمن مجموعة فولكس فاجن وان صح كلامك انها دون اصاله وتاريخ عريق الا انها بدأت حيث انتهت فولكس فاجن وهذا ما جعل فولكس فاجن تمتلك السكودا لتمتلك شريحة اكبر من المستهلكين كما تعتمد فى جميع مكوناتها بقطع مشتركة بينها وبين السيات والفولكس فاجن وان كانت لا تبدو للاعيان كذلك وبالعودة للسكودا هى سيارة بالطبع عملية مقاعد متينة وثابتة ومريحة فى ان واحد وهى سمة فولكس فاجن وهيكا فعال وممتاز اعتمد عن اعادة تجديدة اساس الفولكس فاجن بورا او فيما تعرف ببعض الاسواق بالجيتا ومركز القيادة مرتفع ولوحة بيان ربما الاجمل ضمن مجموعة الفولكس فاجن طبعا من الارقام تتمتع بمحرك جيد ومقبول وان كان غير نشيط لانة يميل الى الاقتصادية اكثر من الاداء الرياضى باختصار عزيزى السكودا بديل متين للصناعة واكثر شبابا للمنتجات الالمانية بسعر مقبول ومرغوب وان كان لا يزال غير زهيد ولكن لما لا ان كانت توفر لك القيادة الامنة والثابتة
وبالنسبة انها تبدو لك انها سيارة مضجره كما فهمت تقريبا الا انها من السيارة الموثوقة خصوصا انها ستهبك الاخلاص بمعنى انها لن تخذلك
ما سبق كان فيما يخص السكودا
اما الكورولا فهى سيارة لا تحتاج للحديث انها مطلقا واعتقد بانك على علم بتلك فهى سيارة مميزة ليس فى مصر بل على مستوى العالم فى فئتها مناسبة جدا لنقل عائله كامله بكل راحة وامان خصوصا بعدما كبرت ونمت ابعاد الجيل الاحدث منها وهى طبعا تبرع بشكل رائع فى مجال الفسحة الداخلية خاصة ان الكنبة الخلفية تتسع لثلاثة بكل راحة وصندق خلفى يتسع لحقائب الجميع وبامكانك الشعور براحة البال وهى سمة حال جميع منتجات التويوتا عملية سهله القيادة شان جميع اليابانى ناعمة وهى من السيارات القللية ضمن فئتها ستجعل السيارات الاكبر حجما تعمل جاهدة للتغلب عليها باختتصار سيدى الكورولا فى الاجمال ليست بالسيارة السريعة كالهوندا مثلا ولكنها عملية جدا واقتصادية وبرغم من ان سعرها ليس بالرخيص الا انها لازالت السيارة الرائدة عالميا ضمن فيئتها

رد: ممكن حد يحببني في الأوكتافيا؟؟
 

كلامك كويس جدا على العربيتين
أنا كدة احترت أكترptmnlo123per131
تفتكر أجيب الاتنين و اريح دماغي؟؟؟ptmnlo123per1126
انت لو مكاني تشتري ايه؟

رد: ممكن حد يحببني في الأوكتافيا؟؟
 

أنا شفت سعر الفنتازيا على موقع contactcars الأوتوماتك لقيتها ب 168000
هل السعر دة مظبوط؟
علشان لوكدة أبدأ أصرف نظر
لأني كنت في الأول بادور في رينج 115000-120000
و بعدين قلت ممكن اجي على نفسي و أصبر شوية و أجيب الكورولا أو الفانتازيا لو في حدود 140000-145000 بالزق و قطع النفس
اكن لو بالسعر دة حايبقى صعب جدا
على فكرة أنا مش حاينفع معايا مانيوال