مصر موتورز مجتمع السيارات - محتار جدا وارجوكم المساعدة, كيا ريو ولا افيو او سيارة فى نفس السعر

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

محتار جدا وارجوكم المساعدة, كيا ريو ولا افيو او سيارة فى نفس السعر

السلام عليكم لجميع الاعضاء الافاضل:
ارجو مساعدتكم لانى ناوى اشترى سيارة جديدة زيرو انشاءالله , ومحتار بين الكيا ريو والشيفروليه افيو , وكمان ممكن نزود عليهم الاوبترا مانيوال, انا عارف انها اغلى شوية بس ممكن اتصرف , انا عارف ان الريو تقفيلها احسن وامكانياتها وتكنولوجياتها افضل وتقفيل كورى بس موتور 1400 وضيقة شوية , الافيو افضل منها انها 1500 وواسعة من جوة وعاليه عن الارض ولكن اعتقد ان ما يعيبها انها تقفيل مصرى وكمان مش ثابتة خالص وخصوصا فى السرعات , سؤال تانى لو هازود فى السعر لحد 85000 مثلا , اجيب كيا ريو 1600 اوتوماتيك ولا اوبترا مانيوال , ارجو الافادة وياريت لو حد يكون جرب السيارات دى وشكرا

رد: محتار جدا وارجوكم المساعدة, كيا ريو ولا افيو او سيارة فى نفس السعر

كيا ريو من وجه نظري لأنها كوري ١٠٠ ٪ بالاضافة الي الشكل الجميل والاوبشن كويسة وتكنولوجيا CVVT وضمان ٥ سنوات أما الاوبترا فلدي صديق لسه مغير لها الموتور بالكامل وده اللي خلاني أصرف نظر عنها. وأعتقد أن ريو الجديدة ستكون أعاده بيعها كويسة لأنها شبه السيراتو من الامام وبدآت تنتشر لكن مش كتير. وربنا يوفقق في اللي نفسك فيه.

رد: محتار جدا وارجوكم المساعدة, كيا ريو ولا افيو او سيارة فى نفس السعر

متشكر جدا يا دكتور , بس سؤال ومعلش لو بتقل عليك , فى سيارة تانى بنفس سعر الريو وممكن تكون احسن منها , حتى لو اغلى حوالى 3000 , وشكرا جدا لاهتماماك

رد: محتار جدا وارجوكم المساعدة, كيا ريو ولا افيو او سيارة فى نفس السعر

الاوبترا منوال احسن طبعا و برده تقدر تجيب بنفس المبلغ اوبترا كسر زيرو 2009 مثلا لو حضرتك بتحب الاوتو

رد: محتار جدا وارجوكم المساعدة, كيا ريو ولا افيو او سيارة فى نفس السعر

بنفس السعر ده ممكن تجيبلك نيو اكسينت افضل من حيث التقفيل والانتشار ورخص قطع الغيار وعملية وسهل اعادة بيعها والله الموفق وتقبل تحياتي