عربية مرفوعة 5 سنوات ايه العمل
 

ممكن سؤال ممكن جدا يا اهل الخبرات بالله عليكم
عربية دوجان مرفوعة 5 سنوات ايه المفروض اعمله عشان العربية ترجع تمشى زى الاول
انا سمعت ان الكوتش بيتغير ( للعلم العربية مرفوعة على حديد والعجل راكب فيها
ممكن اعرف ايه بالظبط الى ممكن يبوظ من الرفع

رد: عربية مرفوعة 5 سنوات ايه العمل
 

من عيوب الرفع لمدة طويلة الاتى اولا البطارية حتتأثر وممكن تضطر تغيرها
ولو انا رافعها فى جراج رطب حتعانى من البارومة او الصدا (على حسب تحربتى مع رفع الشاهين سنتين)وبتبتدى تظهر الاعراض السلبية فمثلا انا بعد ما رفعت العربية سنتسن ورجعت استخدمها غيرت علبة شكمان اتخرمت و غيرت البطاحة و الظنابير والبطارية وبعض الكتاوت والفيوزات

رد: عربية مرفوعة 5 سنوات ايه العمل
 

1-تنزلها ..

2-تغير الزيت و الفلاتر كلها ..

3-تغير السيور كلها .. كاتينه و دينامو

4-تغير خراطيم الرادياتير و قربة المياه لانها اكيييييييييد نشفت و شققت .. و تملاها ميه

5-بطاريه جديدة و تنضف القواشيط بتاعتها او تغيرهم احسن و تشيك علي سلوك الكهربا كلها و الفيوزات و كل حاجة فيها كاوتش في العربية تشيك عليها لان اكيد الكاوتش اللي فيها كله نشف و شقق من الركنه و تشيك علي البطاحات و جلب و بيض المقصات و بارات الدركسيون لان في في اطرافها كاوتش برضه

6-غسله للموتور بالجاز كده قبل الدواره عشان التراب كله ينزل و لو فيه حاحة مملحه ولا بتاع تنضف

7-تملاها بنزين

8- تتوكل علي الله تمشي

رد: عربية مرفوعة 5 سنوات ايه العمل
 

متنساش كمان تغير زيت الفتيس علشان التراب والرواسب والتروس مبتوظش

رد: عربية مرفوعة 5 سنوات ايه العمل
 

طبعا الساده الاعضاء قاموا بالواجب
بس لو العربيه مرفوعه في اول فتره من نزولها المصنع يبقي عادي
انما لو ماشيه فتره واتعرضت للجو و الحر و الرطوبه
يبقي حتغير كل كاوتش العربيه
اطارات و كاوتش ابواب و خراطيم و كوعه الردياتير و جلب المقات و كل ماهو كاوتشوك في العربيه