عربيتي ادمرت
 

النهاردة يا جماعة كنت في المدرسة بتاعتي و عدي عليا واحد صحبي خد مفتاح العربية و عشر دقايق اتصل بيقولي عملت حادثة المشكلة ان ولا انا معيا رخصة ولا هو كمان و الناس ماسكة فية و بعدين جية دايخ طبعا مش قادر يمسك نفسة الي في العربية الرفرف الي من قدام مدمر و ميتصلحش اللاكصدام الوراني مدمر و الفانوس الشمال متكسر و الرفرف داخل لجوة و معجون و حديدة الاكصدام عايزة واحدة المهم نزلت علي واحد معرفة قالي الطالبات المطلوبة لاني مش هعمل في التوكيل المطلوب نزلت جبت اكصدام وراني بالفبرة بتاعة ب 270 جنية و فانوسين ب 300 الاتنين 150 الواحد كامل الاصلي بالمض و كل حاجة شبكة اسبرانزا الاصلية الي من قدام ب 100 من غير العلامة المهم الرفرف سالت علية قالولي 120 جنية بس مجبتوش تتكلف كام يا عم قالي 3000 جنية طبعا الراجل شكلة حرامي بس شغلة انا متاكد منة مية المية المهم الكلام دة سمكري و دوكو و كل حاجة المهم الحدثة جت ازاي هو ماشي و واحد خارج من شارع الواد داس فرامل جامدة قوي ال اي بي اس اشتغل العربية عومت هب اربع عربيات ادمرو و الناس طلعت محترمة و اتنزلو عن حقوقهم عربية تويتا كرولا 2010 الشكل الجديد الكبوت ادمر و لانوس اتني لانوس وز واحدة 128 ادمرو قولولي الواد سال واحد صحبة ابوة سمكري قالة تتكلف 1000 جنية بالكتير قوي قوي المهم نسيت اقول كمان الشنطة الاناحية الشمال بقيت سندوتش عزوني وحيات ابوكم لاحسن انا ندمان و مش عارف اديت العربية ازاي لصحبي دة و هو مش مبيعرفش يسوق بس مش متعود علي الربية هموت يا جماعةptmnlo123per1106ptmn lo123per1106ptmnlo123per1 44ptmnlo123per144ptmnlo12 3per144

رد: عربيتي ادمرت
 

رد: عربيتي ادمرت
 

بالشكل ده العربيه تكلف من 2000 الى 3000 جنيه فعلا ! غير العطله !

و بم انك لسه فى المدرسه ( معلش يعنى ) خللى حد كبير ! الوالد مثلا هوه اللى يقوم

بتصليحها وبالاتفاق مع الصنايعيه ! بالضبط زى ابنى ! بيسوق كويس جدآ وطلع رخصه

من أول مره وبدون واسطه ! وفى أول يوم أعطيناه الكورولا لوحده ! خللى واحد صاحبه

يسوقها ورزعها فى حيطه أو سياره أخرى و بوظ الجنب الشمال ! والحاجات دى مهما تصلحها

لا ترجع لآصلها أبدآ ! يعنى أثرت على قفلة الكبوت الآمامى ! والفانوس دخل لجوه شويه !

المهم ! لازم تعرفوا ان العربيات دى الآهل جابوها بشقاهم وعرق جبينهم ! وتأكد لو انت اللى
خبطتها فوالدك لن يزعل لآنه أكيد ياما خبط هوه ! أما صاحبك يخبطها ؟؟؟؟؟ ptmnlo123per1106
Dr. Bolbolan ptmnlo123per122

رد: عربيتي ادمرت
 

معلش متدايقش نفسك تعيش وتكسر يا سيدى وقدر الله وماشاء فعل

بالنسبة للسمكرة والدوكو ممكن تخش فى 3000 فعلاً وممكن توفر الف وتتعمل ب 2000 بس ده يتوقف على طريقة لم العربية والشغل اللى فيها والفصال

طبعاً ممكن تصورهالنا وتبعت الصورة بحيث نقدر نحكم بشكل اوضح لكن عامة زى ماقل الدكتور لازم حد خبره شوية يروح يلف على مركز كويس ويتفق معاه والاهم انه ينزلة كل يوم تقريبا يتابع الشغل خطوة خطوة علشان ترجع زى الاول وعلشان تخلص بسرعة

وعامة مفيش حاجة تقريبا فى السمكرة مبتتصلحش كل حاجة ممكن تتلم يعنى الرفرف حتى لو كان معجون ومتقطع حتت بيتلحم ويتسمكر حته حته لما يرجع زى الاول وهكذا كل الصاج وممكن مترشش العربية كلها بس ترش الاماكن اللى فيها سمكرة

اهم حاجة لو القوائم فيها حاجة يتعملها زرجينه مظبوط علشان ترجع زى الاول فى التقفيل
وبالنسبة للدهان تتسحق كويس بعد المعجون لحد ما طبقتة تبقى يادوب وياريت تتساب تعضم كام يوم فى الشمس وقبل ما تخش الفرن تتاكد انها متسلتبه كويس علشان الدهان ميجيش على الكاوتش بتاع القوايم او اى حاجة تانيه يبوظها او يقل قيمتها
و تتابع مع الصنايعية اول باول وتتمم على كل حاجة فى العربية مسمار مسمار خاصة فى التقفيل

رد: عربيتي ادمرت
 

قدر الله وماشاء فعل واهم حاجة ان انت والناس سلام ومافيش انسان اصيب الحمد لله واى صاج يتصلح
الكلام بتاع دكتور عبد السلام وابونورا مظبوط بس للدقة فى الكلام صور ها بس صور دقيقة يعنى الشنطة من بره وجوه وربنا يسهل ونحاول نساعدك والحمد لله على كل شئ