|
اقتراح هام للآعضاء والاداره !
اقتراح للاداره ! كنت أريد أن أبحث عن موضوع معين فى مكتبة الصيانه ! فوجدت حوالى 225 موضوع فى 25
صفحه ولم أصل الى ما أريد ! ممكن كان فى باب تانى غير الصيانه ! ولكنى وجدت موضوعات كثيره متناثره هنا وهناك ! و بم أنه باسم الله ما شاء الله أصبح عندنا حصيله كبيره من الموضوعات والمعلومات على الآقل فى باب الصيانه والمكتبه الفنيه لوحده ! أعتقد أنه حان الوقت لتقسيم باب الصيانه الى ما يلى : - تجميع الموضوعات التى تخص كل من الآتى تحت العنوان الذى يخصه وكله تحت بند الصيانه والمكتبه الفنيه ! 1- أجزاء الموتور . 2- محركات الاحتراق الداخلى وأنواعها . 3- دورة البنزين من أول التانك و محتوياته حتى الكاربوراتير أو الرشاشات . 4- الرشاشات والانجكشن . 5- تكييف السياره ! 6- الرادياتير و طلمبة الماء ودورة تبريد الموتور . 7- الفتيس بأنواعه . 8- الفرامل بأنواعها . 9- الكاوتش بأنواعه . 10- الجنوط . 11- العفشه وأجزائها و ملحقاتها . 12- الشكمانات وأنواعها . 13- الشاسيه . 14- اللحامات والدهانات . 15- البطاريات بأنواعها و أعطالها . 16- حزام الآمان وأنواعه . 17- وسائد الهواء . 18- حقن الوقود سواء كاربوراتير أو رشاشات . 19- متفرقات ( وهى كل ما زاد عن السابق ) ! و صدقونى ال 19 بند دول مش من دماغى ولكنى قابلتهم فى مواضيع عملها الآعضاء و المشرفين ! لكن لو تم تجميعها و جدولتها على هذا النحو ! ستسبب سهوله قصوى لآى باحث عن معلومه وتجعل مصر موتورز مرجع فنى فى المعلومات السياراتيه ! وربما تزيد من عدد الآعضاء ! ياريت الآعضاء يشاركونى رأيهم مع الآضافات و منتظر رأى الآداره ! Dr. Bolbolan ptmnlo123per122 |
رد: اقتراح هام للآعضاء والاداره !
الله عليك يا دكتور فكرة جميلة فعلا وهتريح الاعضاء اللي بيدخلو القسم ده وبيبقوا تايهين ومش عارفين يوصلوا للي هما عايزينه وتقبل تحياتي
|
رد: اقتراح هام للآعضاء والاداره !
اقتراح جميل جدا ....بس مش كتير 19 جزء في قسم واحد فقط...!!
|
رد: اقتراح هام للآعضاء والاداره !
اقتباس:
شكرآ على الدخول ! بس 19 مش كتير لآن مكونات السياره أكثر من كده والمواضيع كتيره و تشيلهم ! كمان الصفحه الواحده بتشيل 25 بند ! مش 19 ! يعنى لو خليناهم 25 بند وكل بند ممكن يشيل من تحته ما شاء الله من المواضيع وبعدد لا نهائى من الصفحات ! يبقى كتير على مين ؟؟ صحيح ممكن اللى ح يرتبهم من الدعم الفنى ح يتعب شويه فى اعادة ترتيبهم لكن تصنيفهم من السهوله بما كان والفائده فى الآخر عظيمه ! Dr. Bolbolan ptmnlo123per122 |
رد: اقتراح هام للآعضاء والاداره !
ممكن نخثصرهم
الصيانة الميكانيكية الصيانة الكهربية صيانة ألعفشة و أجزاءها صيانة هيكل و جسم السيارة صيانة عامة (تشمل باقى المواضيع) |
| الساعة الآن 02:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017