|
مين يقدر يساعدنى
انا والحمد لله اشتريت هونداى ماتركس اتوماتك عاوزه حد عنده خبره يقولى
ازاى احافظ عليها وكمان انا لسه جديده فى السواقه ايه اللى التزم بيه مع العربية دى |
رد: مين يقدر يساعدنى
اولا الف مبروك و ربنا يبارك لك فيها
بالنسبة لاسئلتك اهم حاجة تحافظي علي الصيانية الدورية للعربية في معيدها الحاجة التانية و ده حسب اختيارك انك تامني عليها عند شركة تامين كبيرة و محترمة و طبعا ممكن تركيبلها فرش و دواسات و اللذي منه و عندك قسم سبير كار و الاستاذ امير ميتوصاش و الناس كلها بتشكر في شغلهم بما انك جديدة في السواقة انصحك تتعودي علي العربية الاول. الماتريكس الي حد ما ابعادها صعبه و لازم تتعودي عليها فممكن تسوقيها في حته فاضية او ايام الجمع و الطرق رايق لغاية لما تتمكني منها و توكلي علي الله. و مبروك مرة تانية و ربنا يبارك لك فيها ملحوظة: حضرتك الموضوع معمول في قسم الهوندا مش الهيونداي. فمفيش داعي تعملي موضوع تاني هناك و المشرفين هيقوموا بالواجب |
رد: مين يقدر يساعدنى
الف مبروك العربيه و ربنا يديكي خيرها و يحميكي من شرها يا رب
بالنسبه للعنايه مش مطلوب منك اكتر من اللي قاله حورس باشا مع غسيل العربيه في المشحمه كل شهر مثلا |
رد: مين يقدر يساعدنى
زيادة علي الناس الجميلة ديه متابعة مياه الريداتير ونسبة الزيت في الماتور وزيت الباور والفرامل وكمان ركن العربية في مكان ظل وتجيبلها غطاء مغطي بالقطن من الداخل علشان ميجرحش العربية ويحافظلك علي العربية من الحك والكلام اللي بنشوفه كل يوم والف مبروك وربنا يدكي خيرها ويكفيكي شرها
|
رد: مين يقدر يساعدنى
اشكركم جدا على تعاونكم معايا
واشكر كل من قدم ليا النصيحة جزاكم الله كل الخير |
| الساعة الآن 06:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017