|
انا زهقت والله ساعدونى
انا مركبة يا شباب سماعات بايونير وكاسيت بايونير بس فية مشكلة بسيطة قوى بس مزهقانى والله
روحت للكهربائى عشان يركبلى السماعات فى الكوبستة اللى هو الغطاء بتاعها وجبت مسامير شك هو قالى كدة عشان يربطها بس لما اعلى الكاست شوية اسمه صوت زنة كدة او حاجة بتتهز فى السماعات المهم عليت الكاسيت وروحت جنب السماعات عشان اعرف الصوت جاى منين لقيت مسمارين مش مركوبين كويس عمالين يطلعوا وينزلوا مع صوت السماعات والكوبستة هلى اللى بتهز مع البيز روحتلة تانى حاول فيها وبرضة المشكلة هى هى عشان المسامير بتفوت فى التابلوة مش عاوزة تثبت اعمل اية يا شباب مافيش حل كويس عشان اثبت بيها مسامير السماعات اللى قرفتنى دى ......... انا زهقت نفسى اسمع اغنية بصوت نقى من غير هز ولا اى حاجة ...... اسفة للاطالة ptmnlo123per144 |
رد: انا زهقت والله ساعدونى
نوع السيارة يا شباب كريستالة موديل 99 نبيتى اللون
|
رد: انا زهقت والله ساعدونى
اقتباس:
أعتقد طريقة التثبيت بمسامير الشك هى السبب والمفروض السماعات تتثبت بمسامير بورمه بسن قلاووظ علشان تثبت السماعات كويس مكانها ومتترجش مع موجات الصوت العاليه روحيله وخليه يثبت السماعات زى مخاليق ربنا طالما التثبيت لأشياء بتتعرض لأهتزازات يبقى مينفعش مسامير الشك جاته شك ....فى أصابعه هما الصنايعيه دول اللى جايبنا لورا هو بيمسمر ضلفة دولاب ولا بيتشغل فى أعمال نجاره مثلا .........ptmnlo123per111 |
رد: انا زهقت والله ساعدونى
يا استاذه اميره انتي شكلك كدا روحتي عند واحد بتاع شرايط كاسيت مش يركب كاسيت ده لو بروفيشنل كان حل الموضوع ده في ثانية حاولي تشوفي حد غيره يظبطلك الموضوع ده بدل ما يخربلك الضهر عندك بالمسامير ديه وتقبلي تحياتي
|
رد: انا زهقت والله ساعدونى
متشكرة ليكم يا شباب هروح لاى حد تانى وربنا يسهلها بقى لحسن انا زهقت والله لان السماعات والكاسيت دول جايلنى من برة وزهقونى فى الحاجة النضيفة بسبب المسامير الشكة دى
|
| الساعة الآن 03:32 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017