erratic idling problem
 

مبدئياً السؤال فنى جدا ومحتاج خبرات الناس اللى دايسة فى Engine management

المشكلة زى ما كتبت فى العنوان بس توضيحا هحكيلكوا اللى بيحصل بالظبط

مبدئيا المشكلة فى عربيتى البرايد وديه انجكشن وال ECU من بوش

ال Idle بتاعها بيبقى 900 RPM لاكن احيانا بلاقى السرعة نطت ل 1500 وممكن 1800 وممكن تقعد تزيد وتنقص كان العربية راكبها عفريت

الكلام ده بيحصل ساعات اه وساعات لاء وممكن العربية تقعد معايا يوم كامل زى الفل وممكن تتعفرت طول اليوم وممكن الكلام ده يحصل ودرجة الحرارة عالية وممكن وهيا واطية

العربية عاملة 30 الف كم والبطارية عاملة حوالى 20 الف كم

انا عارف ان المفروض ابص على الاتى

نظام الحقن والانجكتورز وسنسور الحرارة والاكسجين ورجيولتور البنزين سنسور البستون والماس اير فلو سينسور

يعنى هفصص العربية علشان اعرف العيب منين ودوخينى يا لمونة

السؤال ايه اكتر حاجة ممكن تكون سبب المشكلة

وايه ال Sequence الصحيح للكشف على الحاجات ديه

وايه ادوات الكشف عليها ولازم اروح التوكيل ولا لاء وانتوا عارفين ان التوكيل بهايم اساساً

ولو مكانش التوكيل ممكن اروح فين تانى

انا فكرت اروح لمحمد سمير خاصة انة قريب منى جدا بس مش عارف هو حراق ولا معقول وعنده سكانرز تقرى عربيتى ولا لاء

ياريت اللى عنده اى فكره يشاركنى بيها

وشكرا ليكو مقدما

رد: erratic idling problem
 

بص علي خراطيم التبخير .. مكمن يكون فيه حاجه مخرومه او فالته من مكانها ..
حاول تبدل الكنترول بواحد تاني بتاع نفس الموديل و شوف لو الاعراض لسه موجوده ولا لاء ...
مش هاقدر افيدك اكتر ... لاني ماعرفش نظام الانجكشن عندك ازاي .. هل هوه Single point ولا Multi point .. ؟
ماليش في الكوري بتاعكم ده ههههههه

رد: erratic idling problem
 

مالتى يا باشا

رد: erratic idling problem
 

بسم الله الرحمن الرحيم
أولا حراطيم الفاكيوم زى ما البشمهندس وضح بص عليها كويس و شوف يمكن فى حرطوم مش راكب او مقطوع
ثانيا لازم تحط العربية على سكانر زى ما انت سمينة انا مشعارف اسم جهاز تشخيص اعطال الكيا اية بس مش مهم فكرة عمل معظم الاجهزة وحدة المهم و شوف الخطا اللى متسجل اية بس ما تتسرعش بمعنى ان ممكن يكون متسجل الايدال اكتويتور (Idle actuator) و ممكن يكون متسجل حساس البوابة TPS throtlle position senspr بس هما شغاللين فبص على الضفيرة و حلى حد محترم يعملك wiring بمعنى ان يطمن ان كل سلك مش مقطوع يعنى يشوف الإتصاليةcontenuity و لو الضفيرة سليمة يبقى ال تى بى اس او الايدل و كمان خلى فى اعتبارك الكونترول بس انا مستبعده
عايز اقولك حاجة كمان ان اى حساس فيه مشكلة ممكن يسبب المشكلة دى
و بنصح بعدم وضع اى كونترول يونت فى عربيتك إلا لما تكون متاكد من انه هوا المشكلة و ذلك لسببين
الأول ان ممكن يكمون عندك short يطير الكونترول الجدبد
السبب الثانى ان بعض الكونترولات بتكون متكودة على طقم الدوارة و انا مش عارف الكيا ليها كونترول كود لوحده ولا فى كنترول المحرك
لو عايز تجرب الكنترول بتاعك ممكت تركبه فى عربية تانية سليمه بس بشرط مليكونش ليه علاقة بالقصة بتاعت الدوارة اللى قولتها قبل كدة
شكرا ليك و ان شاء الله خير وربنا يشفيها

رد: erratic idling problem