مصر موتورز مجتمع السيارات - يعنى ايه عضة فى الفتيس

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - يعنى ايه عضة فى الفتيس (https://www.masrmotors.com/vb/showthread.php?t=22497)

يعنى ايه عضة فى الفتيس

عضة فى الفتيس حد ممكن يشرحلى المصطلح ده لو سمحتوا يعنى الفتيس تقيل فى النقل ولا ايه

رد: يعنى ايه عضة فى الفتيس

تحس ان العضه دي دايما في الغيار الاول و خاصه في الزيرو لحد ماالاسطوانه بتاعت الفتيش تطبع مع بعض ماتقلقش لو هي العربيه زيرو و هي هاتاخد وقتها و تروح

رد: يعنى ايه عضة فى الفتيس

هيييييه الناس فين واحد بس تفضل ورد عليا انا كنت عاوز اعرف بتيجى منين العضة دى

رد: يعنى ايه عضة فى الفتيس

مصطلح عضه الفتيس بيستخدم لما تكون نقله او اكتر حركة العصاية فيها مش سلسله او النقلة ((بتعصلج)) ايا كان الاسم فهو بيقصد بيه حركة زراع النقل مش الدواسه او حركة العربية ككل
العضه ممكن تكون موجودة فى حارة واحدة او فى اكتر من حارة يعنى مؤثرة فى نقله او اكتر
الاسباب الشائعة بتكون من مشاكل فى ظبط مجموعة القابض (الدربرياج - الكلاتش) فبدايه من دواسه الدربياج لو مش دايس عليها للاخر او لو السلك مش مظبوط او مشدود صح او لو اسطوانه الدبرياج نفسها فيها مشكله كل دول ممكن يخلو المجموعة متقومش بعملها وتفصل الفتيس عن الموتور فالنقل ميباقش سهل
احيانا نقص الزيت فى الفتيس او تلفه ممكن يكون سبب
بعض التفيسات ليها رجلاش للظبط واعادة ضبطها احد الحلول
تختبر ايضا قاعدة التفيس ويتم التاكد من تثبيت الفتيس بشكل صحيح
اخيراً تلف مكونات الفتيس من تروس غوايش رمان بلى وديه بتحتاج تغيير واصلاح على يد متخصصين مهره او استبدال الفتيس ككل

ديه مشاكل الفتيس عامة واللى ممكن توصف بعضه او عدم سلاسة فى استخدام عصا النقلات

رد: يعنى ايه عضة فى الفتيس

شكرا يا أبو نورا هو ده الشرح فعلا جزاك الله خيرا