انا محتار بجد وعايز حد يساعدنى فى الأختيار
 

انا عايز اشترى عربية فول ابشن اتوماتيك ومحتار بين 3 سيارات وهم :
افيو 2010 - فيرنا 2010 - كيا ريو 2010
أنا عايز اعرف احسن وحدة تكون تستحمل يعنى حملة قسية واحسن عفشة فيهم
وارجو المساعدة بجد لأنى محتار جدا

رد: انا محتار بجد وعايز حد يساعدنى فى الأختيار
 

ميدو ياغالى يا ابن الغالى
مبدئياً الفيرنا اقدم تقنية فيهم وفيها مشاكل تقفيل وتجميع زى اى عربية بتتقفل فى مصر ده غير الكاوتش والجنوط السيئة ومشاكل الطنابير والعفشة عامة

الافيو برضو بتحصل فيها عيوب تجميع كتير

الريو والنيو اكسنت افضل فى التقييمات الدولية واقل مشاكل فى السوق المصرى مقارنة بالباقى
فانصحك بواحدة من الاتنين دول

رد: انا محتار بجد وعايز حد يساعدنى فى الأختيار
 

الاخ ميدو
سامحنى - اراك غير محدد فى اختياراتك
حيث ان ال 3 اختيارات فئات مختلفه عن بعضها
يعنى ممكن نقول: الفيرنا تدخل فى دائرة التفضيل مع لانوس - لوجان - ساجا ودول فى حدود سعر 60-70 الف
الافيو تقريبا نفس المواصفات لكن اعلى فى الفئة السعريه افتكر 74 الف
اما الكيا ريو فهى بالطبع اعلى منهم جميعا وعربيه ممتازة - تقفيل 100 كورى - شكلها شيك جدا - توكيل محترم
وسعر الاتوماتك بتاعها تقريبا 82 الف
اما الاخت الشقيقه لكيا ريو هى " نيو اكسنت " وفيها فرق سعر حوالى 5 الاف ج ونفس المواصفات
وانا شخصيا اشارك اخونا ابونورا فى رايه : اختيارك هيبقى بين الريو او نيو اكسنت

ياريت تحدد احتياجاتك بالظبط وميزانيتك كمان
لو فى اى استفسار تانى تحت امرك - واعتقد كل الاخوة فى المنتدى ماحدش هيبخل فى الرد على اى استفسار
ربنا يوفقك للاختيار المناسب

رد: انا محتار بجد وعايز حد يساعدنى فى الأختيار
 

مشكور ليكم جميعا وبجد ده احسن منتدى عربيات على مستوى العالم
وانا اما اخد القرار واشترى احقولكم واكتب تقرير عن العربية

رد: انا محتار بجد وعايز حد يساعدنى فى الأختيار
 

نفس رأي الباشمهندس وائل و الاستاذ بنداري
نيو اكسنت او كيا ريو
لو لازم الاختيار من القائمه الموضحهه
يبقي الافيو