مصر موتورز مجتمع السيارات - مشكله كبيره و ياريت تنصحونى ...!

بسم الله الرحمن الرحيم

فى الاول احب اشكر جميع القائمين والاعضاء على الموقع الجميل ده وحلاوته انه مصرى 100 %

والشباب اللى عليه بسم الله ماشاء الله ناس فاهمين ومحترمين وبيدلوا فى الصح ...

المهم ادخل فى مشكلتى دلوقتى انا كنت الاول بفكر فى انى اركب زيرو لقيت الزيرو مش جايبلى كيا بيكانتوا 2010 العربيه عامله 68 الف جنيه الكلام ده من اصحاب المعارض

دلوقتى انا كل اللى معايا 50 الف قولت خلاص اجيب مستعمل واخليها على الله

وقع اختيارى على كذا عربيه مع العلم انى محتاج اتوماتيك -

هوندا سفيك موديل 1992 - لانسر الكريستاله - لانسر المكوه - فولكس بولو - فولكس بوينتر

بصراحه العربيات دى اللى عجبتنى وطلعت فعلا على قد الفلوس اللى معايا

انا دلوقتى بقى كنت عايز افتح موضوع للمناقشه فى الحوار ده يعنى الناس تنصحنى بعربيه ايه وياريت تقولولى ممكن الاقيها بكام لان انا نزلت السوق سمعت اسعار الى حد ما كويسه وشوفت فى الوسيط برضوه

فى انتظار تعليقاتكم ...