باركولى اشتريت ماتريكس اتوماتيك
 

اخيرا اشتريت ماتريكس اتوماتيك بعد طول المشاورات والمقارنات
بشكر المنتدى كثيرااااااااا وكل اعضاءه جدا جدااااااااااا
وعاوزة اسأل سؤال عن الاكسسوارات اللى اشتريها ايه مثل الباركينج سنسور والحديد اللى بيبقى متركب على الاكصدام ده مش ممنوع فى المرور وهل فى حاجات اضيفها للعربية وشكرا لكم

رد: باركولى اشتريت ماتريكس اتوماتيك
 

لا مش ممنوع وألف مبروك بجد بجد سيارة رائعة أختى هاتموت وتقتنيها خصوصا الأتوماتيك وشايف إنها عائلية ولا تستهلك الكثير من البنزين 1600 سى سى وتستحمل وهاتعيش ذى أى عربية هيونداى

رد: باركولى اشتريت ماتريكس اتوماتيك
 

اولا الف مبروك و ربنا يحفظهالك
بالنسبة للاكسسوارات عندك سبير كار و القسم بتاعة و استاذ امير اكيد هيقوم بالواجب

بالنسبة للحديد او الديفندر ممنووووووووع و مخالفة 50 جنبة او سحب رخص ما لم يكن مثبت في الرخصة
و عشان يثبت في الرخصة لازم يكون مكتوب في الافراج الجمركي انها بدفندر او

بالكوسة

رد: باركولى اشتريت ماتريكس اتوماتيك
 

الف مبروك ربنا يباركلك فيها ويكفيكى شرها

انا رأيى تدورى على اجهزه ال GPS فهى بدأت تنتشر ومفيده جدا واسعارها بتبتدى من 1000 الى 4000 جنيه

بالنسبه للحديد او الدفندر فهو ممنوع فعلا بس كل حاجه بتمشى بالكوسه

رد: باركولى اشتريت ماتريكس اتوماتيك
 

الف الف مبروك ربنا يباركلك فيها ويكفيكى شرها

الشكر ليكى ولكل الاخوة الاعضاء

الديفندرممنوع فى المرور بس بيركب عادى ووقت التجديد والفحص يتشال ونركبه تانى عادى

انا ممكن افيبدك فى موضوع السنسور بس انا من اسكندرية مش عارف القاهرة فين