|
هام جدا جدا جدا اجد
اولا انا عضو جديد معاكم هنا
واحب اتعرف بيكم اكتر انا اسمى احمد من المنصورة محتاج مشورتكم فى حاجة مهمة اوى وياريت تفودونى انا عاوز اشترى عربية بقالى فترة ومعايا بيجو 505 وكنت مستنى لما ابيعها وبعدين قررت اجيب عليها لان انا صرفت عليها كتير ومغير فيها كل حاجة وفى الاخر وقت البيع بقى زيها زى غيرها فقولت اسيبها احسن . المهم اول ما شوفت الكيا سيراتو هبلتنى الصراحة وقلت هى دى الى هجيبها روحت انا والدى معرض وشوفنا الهاى لاين بتاعتها عجبتنا جدا اوبشن فيها عالى اوى وشكلها جميل ومتورها قوى بس الناس الى جابوها قالو عليها ناشفة ومش كويسة فى السرعات العالية وبعدين نزلت الكروز عجبتنى اكتر واكتر شكلا وكماليات حلوة بغض النظر ان موتورها اضعف من السيراتو المهم واحد صاحبى جابها ركبتها وجربتها عجبتنى بس ركوبتها من ورا صعبة وكراسيها متعبة جدا وبعدين صعب عليا نفسى انى انزل من الاسد الفرنسى للكورى روحت معرض وشوفت الاكتوفيا لاقيت فرق بين السما والارض مابين الاكتوفيا والكورى بس طبعا والدى لما شاف سعرها كدة موافقش 200 الف كاملة المهم فى الاخر انا استقريت على الهيونداى سوناتا عربية فخمة كبيرة موتور قوى والتوكيل بسمع عنة انة كويس طبعا بيجو 505 يعنى ملياش علاقة باى توكيل خالص ولا اى خبرة انا كنت توكيل نفسى بس انا معرفش اى حاجة عنها ولا اسعارها ولا مواصفاتها شوفت شوية حجات لخبطتنى اكتر واكتر عن شكل قديم وجديد وحجات غريبة وساعات اشوف سعر سوناتا 300000 ودة فزعنى وسعر تانى طمنى 170000 مش عارف بردة دة اية ودة اية فانا بستأذن اهل الخبرة فى الهيونداى هنا يدلونى ويعرفونى كل حاجة فى العربية دى وهتنفعنى ولا لاء عاوز اعرف شكلها الموجود حاليا اية ؟؟ سعرها كاملة بكام ومواصفتها اية يعنى زينون فتحة سقف جنوط كدة يعنى متانتها عاملة اية الاوبشن الى فيها الوانها اجيبها منين كدة يعنى انا طولت عليكم اوى انا عارف بس بعشمى واتمنى انكم تفودينى فى الموضوع دة لانى بجد تعبت ومعتش عارف اجيب اية ؟ ولا اية الى مناسب المشكلة ان انا كنت راكب بيجو 505 يعنى طول عمرى فى نظرى ان العربيات الجديدة الكورى واليبانى بالذات عربيات رفاهية مش اكتر عربيات فرافيرى يعنى مش بتستحمل لكن الى انا اتأكدت منة ان الجديد جديد حتى لو كان اية علشان كدة اخترت السوناتا لانها مش هتبعد كتير عن البيجو فى الحجم ولا الموتور وشكرا |
رد: هام جدا جدا جدا اجد
الأول بشكرك على إنضمامك لمنتدي مصر موتورز مبدأيا أنا أختلف معاك تماما في موضوع السوناتا ده تمام ليه لأن هيه برضه كوري كويس المشكلة كش في كده بس المشكلة كمان إنها مش منتشرة خالص وقطع غيرها عالية ده غير إنها في 2010 نزلت شكل جديد غير الشكل القديم وبتالي هيبقى أغلى من السعر اللي عندك
للمقارنة فقط http://ic.maxabout.com/cars/hyundai/...F_161208_0.jpg 2010 http://www.autospies.com/images/user...+side_view.jpg 2009 لاحظ إن لسه شهرين تلاتة على متيجي مصر طيب المهم سيبك بقه من السوناتا وخلينا نبص علي السيراتو كفاية إن مصمم العربية دي هوه اللي صمم عربيات للأودي وكفاية إنه ألماني يعني عربية تصميم ألماني ومنتشرة جدا جدا وحققت نجاح مبهر نيجي للكروز مستحيل حد يغلط أو يجيب سيرة العربية العربية دي ده العربية دي من أنجح العربيات في الشرق الأوسط والعالم العربية دي بتنزل بعده أسماء وماركات مختلفة ( شيفورليه كروز _ دايو لاسيتي _ هولدن كروز ) تمام بص أنا مش عرف إزاي مختش بالك من اليباني الفخم اللي مالي السوق يعني مثلا هوندا سيفك http://www.spiffykerms.com/wordpress...civic-2009.jpg http://www.moshtry.com/images/articl...civic-2009.jpg متسوبيشي لانسر http://carwallz.com/images/wallpaper...de-915604.jpeg تويوتا كورولا http://www.diyanazman.com/blogs/wp-c...llpaper_02.jpg نيجي بقه للألماني الإسكودا الأوكتافيا a5 بص كده كل الياباني اللي فات و العربية دي لو جبتهم هاف أوبشن أو كاملة بس بدون فتحه سقف أو ماشبه هتلقيهم أقل من 200ألف وأهو أحسن من الكوري |
رد: هام جدا جدا جدا اجد
بجد انا متشكر اوى لاهتمامك بالموضوع وتشرفت بمعرفتك
شوف بقى اولا انا ينفع اجيب السونات الى هو شكل 2009 وسعرها هيكون كام دى حاجة تانى حاجة الهواندا لو جت عندنا البلدا هتتدمر لانها واطية وشوارعنا وحشة جدا جدا جدا ثانيا انا والدى معاة لانسر شارك مش انا كمان هجيب لانسر شارك ثالثا انا مكرهش عربية فى حياتى زى التويوتا مع احترامى لعشاق تيوتا وكمان انا سمعت ان الموديل الجديد بتاعها نزل بعيب فى الفتيس رابعا ياباشا انا عاوز اجيب عربية تكون كاملة من كلة مش عاوز افكر فى يوم من الايام انى احطلها حاجة يعنى اللانسر انا طلع عينى علشان اجيبها فامية كنت فاكر انها هتبقى بتاعتى بس للاسف ابويا طمع المهم يعنى عاوز اجيب عربية تكون على وضع بلادها وفيها كل حاجة سواء فامية زينون فتحة سقف فرش جلد بحيث انى مجيش فى يوم واعد العب فى العربية خامسا انا بتهيألى كدة انا قفلت الدنيا فى بعض بس معلش خليكى معايا لما نشوف السوناتا دى اخرتها اية هى شدانى اوى بصراحة علشان حجمها الكبير ومكنتها 2000 سى سى واسف لو طولت عليك |
رد: هام جدا جدا جدا اجد
انا حديك فكره حلو حدد المبلغ الي انت حتشتري بيه يعني اكتر حاجه ممكن تتدفعها 2 اعمل حصر لكل العربيات الي في السعر ده وده سهل عن طرق النت اوعن طريق مجله اخبار السيارات 3 اكتب المواصفات الي انت عايزها يعني ذي مكتبت فميه.جلد.زينون.جنوط.ارتفا ع عن الارض 4اكيد في الاخر حتلاقي نفسك مبين عربيتين او تلاته استشير فيهم وكده تبقي ريحت نفسك ياريت تبقي فكره كويسه:THE_PR~18: |
رد: هام جدا جدا جدا اجد
بص يا باشا ...انا منصحكش بي السوناتا ابدا ....مع ان هي عربية رهيبه بس لو باظ فيها حاجه انسى
والبنسبه للسعر...بقه فهو ...,,,....,,,,....,,,,... ,,, فول اوبشن مانيوال 155 الف 2000 سي سي فول اوبشن اوتوماتك 170 الف 2000 سيسي فول اوبشن اوتوماتك 190 الف 2400 سي سي 2010 طبعا الشكل ... http://www.contactcars.com/images/Ne...l/big/60_1.jpg |
| الساعة الآن 03:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017