السويفت 94 (أبيع و لا أكمل المشوار و مش هندم )
جبت سويفت94 من شهرب27000 فوجئت انى اتغشيت فيهامن اللى شافها لى, فوجئت بارومة فى الدواسات أسفل السيارة و الشنطة والسقف من ورا رغم أن السيارة شكلها الخارجى كويس و مش راشة جوة.فكرت أبيع لكن ممكن أخسر جامد فيها ,رحت سمكرتها كلها من فوق لتحت و ماعتش فيها خرم بارومة و رشيتها فرن بره نضافة و غيرت مساعد و كوبلن وتيل فرامل (كلفونى2000جنيه تقريبا) السيارة بقى شكلها تمام ,بس الكوبلن الثانى بيطقطق ياعنى لسه عاوزه كوبلن و شوية تظبيط عفشة .بتاع الكاوتش قال انها عاوزة كاوتش جديد و لاحظت انها عاوزة تظبيط كهربة لأن نور التابلوة و الكاسيت ساعات يقطع و يرجع فجأة . دى كل عيوب العربية.لكن الماتور كويس و بيعرق ميه و الفرش و الزجاج بتاع بلادها لسه راكب و كويس وجنوطها سبور جديدة و التكييف والبطارية تمام وعاملة90000 كيلو . أنا محتار دلوقتى و خايف :البعض قالى أكمل صرف عليها (كاوتش و عفشة) و أركب و ماخفش لأن أى عربية استعمال غالبا حيتعمل فيها معظم اللى عملته و السوزوكى تستاهل و لا أبيع لو حتى حخسر شوية لأنها مش هتبطل مصاريف خصوصا أنى بقى عليا ديون كتير بسبب انى اشتاريتها و أجيب ماروتى حديث2008و أنسى و أريح دماغى رغم الفرق بين العربيتين فى كل شيئ , أنا محتار لأن دى أول عربية ليا و خبريتى قليلة جدا بالعربيات ...ياريت أهل الخبرة ينصحونى بجد خصوصا خبراء السويفت لأنى سمعت عنها كلام حلو كتير لكنى خفت منها بعد اللى حصل ده. ptmnlo123per144<!-- google_ad_section_end -->
|
رد: السويفت 94 (أبيع و لا أكمل المشوار و مش هندم )
اهلا و سهلا بيك معانا في مصر موتورز
انا كان معايا سويفت و بايعها من 6 شهور و كانت حالتها قريبه لحالتك كده و اي عربيه مستعمله حتشتريها حتصرف عليها فمن رأيي انت كده عملت كل حاجه في العربيه خليك راكبها احسن بالنسبه للكاوتش هات اتنين بس ركبهم قدام و استنضف اتنين حطهم ورا لحد ما ربنا يكرم و تجيب كمان اتنين و الكوبلن جديد صيني ب 90 جنيه مش غالي و بيعيش حلو حوالي سنه مثلا بالنسبه للكهربا اكشف علي ميه البطاريه و توصيلات الكاسيت لو البطاريه جافه يبقي كده في اواخر عمرها |
رد: السويفت 94 (أبيع و لا أكمل المشوار و مش هندم )
شكرا يا باشا على اهتمامك .. أنا مقتنع بكلامك وهعمل اللى فيها و أركبها .. بالنسبة للبطارية هى جافة .. بس اللى بايع لى العربية جايبها جديد و أعطانى ورقة الضمان بسنة .. ويا ترى ايه أفضل بطارية ليا و بكام !؟
..بس أنت بعت و جيبت ايه ياترى !! |
رد: السويفت 94 (أبيع و لا أكمل المشوار و مش هندم )
عندك الايه سي ديلكو جافه
و الفارتا الالماني برضه بطاريه كويسه جدا و جافه. بس انت جايب بطاريه جديده عاوز تغيرها ليه؟؟ انا بعت السويفت و جبت لانسر |
رد: السويفت 94 (أبيع و لا أكمل المشوار و مش هندم )
السلام عليكم ورحمة الله و بركاتة
انا عندى اخت عربيتك هى عربية حلوة و دواخل فابريكة و مش عايزة مصاريف و واللهِ نغسى ابيعها بس انا هابيعها علشان اجيب عربية 7 راكب لان الاسرة عندى زوجتى و 4 بنات و والدى و والدتى بحب اخدهم معايا اى مشواير و اللهِ عربية ممتازة مشكلتها معايا فى تنك البنزين و طرمبة البنزين اللى دائما تعطل لكن هى ممتازة و قوية و سريعة و عفشتها حلوة و بتستحمل و لو عايز تلروح بيها اسوان هاتروح لو عارف حد يشتريها قوللى انا من الزقازيق و لسة مرخصها نمر جديدو فى نوفمبر |
الساعة الآن 04:23 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017