|
ممكن اعمل عربيتي 2 شكمان بدون اي تعديل في المحرك?
مرحبا تحية جامدة مربعة مثلثة لأحسن واجمد اعضاء .....
اوقات كتير بشوف عربيات بتكون ليها 2 شكمان وفكرت ان دا ممكن يتعمل كيف ?يعني الماسورة يلي عند علبة الشكمان الخلفية هتتقسم لفرعين وبكل فرع نركب علبة شكمان ولا لازم من الهيدرز يخرج فرعين وبكل فرع علبة شكمان ولا ايه ? انا عربيتي بروتون واجا اوتوماتيك ومركب فلتر هواء سيموتا و بوجيهات سبليت فير وسلوك سبليت فير هيكون لل 2 شكمان تأثير ايجابي او سلبي على اداء وتسارع العربية ولا هيكون شكل وبس وانا اسف عشان كترت الاسئلة وهتعبكم معايا |
رد: ممكن اعمل عربيتي 2 شكمان بدون اي تعديل في المحرك?
مستر سامر
بالنسبة لموضوع علاقه وضع 2 شكمان بدل 1 بالأداء بصراحة مقدرش أفيدك فيه لكن أنا فعلا شوفت عربيات ب 2 شكمان بس لاحظت ان الشكمان التانى ده ماكيت أي ليس له وظيفة منظر بس(و ده انت سهل تعمله) و طبعا بشوف عربيات جامدة ورياضية فيها 2 شكمان و ده عشان فيها نيتروس و رأيى انك ماتعدلش على الشكمان بتاع العربية غير الذى مصمم به العربية لأنه ممكن يأثر بالسلب - مثلا تسخن العربية و الله أعلم |
رد: ممكن اعمل عربيتي 2 شكمان بدون اي تعديل في المحرك?
سامر باشا ازيك بص يا سيدى اولاً موضوع الشكمان الدبل ده اما زى ما بتقول يتعمل بغرض الشكل الرياضى وده بيبقى باضافة زيادة من بعد علبة الشكمان او بانك تركب ديل شكمان بفتحتين حسب تصميمك للاكصدام الخلفى http://www.germes-online.com/direct/..._Terminals.jpg اما لو كتعديل فعلى بغرض تحسين الاداء فده بيتعمل عن طريق كيت كاملة بتبقى فى الغالب ماسوره من الهيدر تتفرع لاتنين كل واحدة لعلبة شكمان منفصلة ثم ديل وساعات فى العربيات العالية اى بتبقى جاية من بعد الهيدر مباشرة او بتتقسم مواسير الهيدر لاتنين خاصة فى المحركات ال V8 http://www.bbexhaust.com/car/s4/images/s4-system.jpg http://www.101modifiedcars.com/modif...s-oval-tip.jpg http://image.automotive.com/f/techni...ust_system.jpg بس الاهم من كل ده ان الاكزوست لازم يبقى مصمم بقياسات وبشكل يتناسب مع خرج المحرك وبالتالى قوتة واى تصميم غير مدروس ملوش قيمة فبالتالى ننصح اما بان الاكزوست يتجاب ك كيت من شركة بتعمله للموتور ده تحديدا او العربية ديه او تصممه عن طريق حد محترف كمان تعديلات نظام العادم ينصح انها تكون متكاملة بمعنى ان التصميم يشمل بداية من الهيدر - نوعية المواسير (الخامة) - الاطوال والاقطار - التصميم الشكلى وكل ده لما الموتور نفسه يتعدل لان زى ما قولت بيبقى بناء على قوه خرج الموتور |
رد: ممكن اعمل عربيتي 2 شكمان بدون اي تعديل في المحرك?
طبعا ابو نورا جابلك المفيد ومن الأخر
و طبعا زى ما قال ماتركبهوش الا اذا كن مصمم للموتور اللى عندك |
رد: ممكن اعمل عربيتي 2 شكمان بدون اي تعديل في المحرك?
الأستاذ وائل جاب المفيد
|
| الساعة الآن 04:42 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017