بخصوص كيا بيكانتو
 

يا جماعة السلام عليكم اولا انا عارف ان فعلا الكيا بيكانتو مش حلوة اوى بتعادل فى قوتها قوة سوزوكى التو والعربيتن بيفتقرو وسائل الامان فيها من حيث الاير باج وايه بى اس بس كمان قوة الماتور بتضعف لو شغلت التكييف مع الكاسيت فبيكون عزم العربية مش قوى فى قوة السحب بس لى سؤال لخبراء المنتدى ينفع انى اضيف للعربية اير باج ونظام abs ولا لا وده هيكون تكلفته كام لو هينفع وكمان ينفع احلى الزجاج الخلفى كهربائى واغير المرايا كهرباء ولا لا ياريت حد يرد على بسرعة

:HAPPY_~211::HAPPY_~211:

رد: بخصوص كيا بيكانتو
 

هاي يا اكمل اولا بخصوص الزجاج والمرايات طبعا ممكن تخليهم كهرباء اما بالنسبة ل ايرباج والفرامل abs ممكن بس هتكون التكلفة بتعتهم عالية جدااااااااا علي عربية انا شايف انها مش تستاهل بصراحة وبعدين هيكون اي كلام لانو مش متركب من المصنع وبعدين سعرها مبالغ فية حبتين يعني اروح اجيب عربية 1100 سي سي اوتوماتيك ب 70000 كتير واساسا الاوتوماتيك الي هيكون فية كل حاجة هيكون ضعيف خاصة لو شغلت التكيف وطالع علي كوبريلو معاك العربية دي ركبلها الكهربا بس مش ضروري الايرباج والفرامل لانك لو بعتها هيكون تمنها هو هو مع احترامي لرأيك طبعا

رد: بخصوص كيا بيكانتو
 

شكرا لكى يا اخى الكريم وعلى العموم انا كدة او كدة بفكر اجيب هيواندى جينتز او فيرنا اتوماتك لتوفر وسائل الامان فيها وكمان الماتور بتعها 1600 سى سى وياريت برضو تفدنى فى الاختيار بين العربيتن اى واحد افضل منهم وشكرا لكى على المشاركة

رد: بخصوص كيا بيكانتو
 

لا شكر علي واجب يا اكمل الفيرنا الاوتوماتيك معرفش الحقيقة في منها حاليا ام لا اما انا عن راي ارشحلك الجيتز لعدة اسباب 1.متقفلة برة مصر ودة يفرق في حاجات كتير الصوت وانت قافل الزجاج مفيش تماما يعني اكنك منعزل
2.العربية موتورها حلو كتير بالنسبة لحجمها يعني في السحب رهيبة وبتجري وثابتة زي الفل وفيها جميع الكمليات ولها عدة فئات في اسعارها
اما عن الفيرنا حلوة وزي الفل وسحبها عالي جدا بس تجيب ال 120 بالعربية وتحس انها هطير من الهوا يعني خفيفة جداااا ومتقفلة في مصر تقفيل يعني 7 من 10 وبعدين بقت تكسي ومنتشرة جداااا في كل شارع تلاقي 5 عربيات مثلا
لو حبيت تستفيد من وجهة نظري انا ارشحلك الجيتز وتكن سودة كمان روعة بجد وربنا يباركلك فيها ان شاء اللة ودا طبعا بعد رايك

رد: بخصوص كيا بيكانتو
 

موضوع الايرباج و فرامل ال abs موضوع صعب جدا جدا
و لو هينفع يتعمل هتتكلف كتير جدا جدا
اما موضوع الازاز الكهربا و المرايات الكهربا بيتعمل بسهوله بس خلي حد محترف و معروف يعملهولك عشان انت كده بتلعب في كهربا العربيه و طبعا مش عايز اي حد يشتغل فيها