مشكله تنتيش في الماتريكس اوتوماتيك
 

السلام عليكم

من اسبوعين العربيه سخنت مني وبطلت وجابت جوان وش سلندر علشان مشكله عندي في الريدياتير
المهم
غيرت الجوان وصلحت الريدياتير وغيرت طقم خراطيم الريدياتير وكوعه الميه
بعد ما استلمتها من الميكانيكي ومشيت بيها بجربها لاقيتها بتنتش مني جامد
رجعتلو تاني قاللي ده عيب كابلات البوجيهات شكلها باظت من الحراره لما العربيه سخنت
المهم
غيرت طقم البوجيهات والكابلات وفلتر البنزين وفلتر الهوا
النتشه راحت لمده يوم وبعدين رجعت تاني
روحت كشفت عليها علي الجهاز لاقيت ان حساس ماب سينسور اساسا موش راكب في مكانه
المهم ركبته وعملت ريسيت للاعطال وكشفت بالجهاز مره تانيه مفيش اخطاء
افتكرت ان المشكله خلصت لكن وانا مروح لاقيت برده العربيه بتنتش جامد
بمعني انها ساعات ممكن تفضل ماشيه ساعه عادي جدا علي سرعه 120 وبتنقل عادي جدا
ولما اخش علي منطقه زحمه واشيل رجلي من علي البنزين والعربيه يهدي واجي ادوس تاني العربيه ييتررج لقدام وورا وعداد ال rpm يفضل يلعب
ابطل العربيه واشغلها تاني العيب يروح وبعدين يتكرر تاني

ايه الحل يا جماعه
اعمل ايه؟؟
واروح فين؟؟

رد: مشكله تنتيش في الماتريكس اوتوماتيك
 

تاكد من وصلة او فيش حساس الكرنك

رد: مشكله تنتيش في الماتريكس اوتوماتيك
 

شكرا علي الرد

اين توجد هذه الفيشه؟؟

رد: مشكله تنتيش في الماتريكس اوتوماتيك
 

حساس الكرنك موجود تحت امام الردياتير
سؤال ما هو نوع الماء المستخدم فى السيارة قبل حدوث عطل وش السلندر
متابع معك

رد: مشكله تنتيش في الماتريكس اوتوماتيك
 

في الحقيقه العيب بقاله 3 مشاوير طويله ماظهرش
ظهر مره واحده مباشره بعد تركيب فيشه الماب سينسور اللي كانت منسيه وبعدين اختفي
اعتقد ان كومبيوتر السياره خد وقت علشان يتكيف مع الحساس وبعد كده ضدظبط
ربنا يسهل ويكون ده كان سبب المشكله
بالنسبه للريدياتير
انا كنت بزود ميه عاديه في القربه موش في الريدياتير وده طبعا غلط
المفروض يكون الريدياتير فيه ميه خضره والتزويد والتشيك يكون من غطا الريدياتير لان القربه ممكن تكون مليانه والريدياتير فاضي
عموما انا سبب مشكلتي كان ان القيبره اللي كانت فوق الريدياتير كانت مشروخه
وكمان الكوعه كانت فيها خرم من تاكل الماسوره بسبب الاملاح
نصيحتي ان الكل يحط ميه خضره ويتم المراجعه بصفد اسبوعيه او يوميه ان امكن علي مستوي الميه جوه الريدياتير
ولو بتنقص لازم ندور علي السبب ونشوف التسريب منين ( خرم في الريداتير ولا خرطوم بينقط ولا من الكوعه ولا.....)
لان حاجه عبيطه زي دي كلفتني اكتر من 2000 جنيه