سؤال بخصوص هيواندى نيو اكسنت الجديدة
 

سلام عليكم يا شباب المنتدى الرائع ده عندى بعض الاسئلة
انا عاوز اعرف بعض المعلومات عن نيو اكسنت الجديدة من حيث قوة الثبات على الطريق وكمان ايه اخبار نظام الامان بتعها وفعلا هى فيها اير باج ونظام ايه بى اس وامكانية الدخول للسيارة بدون استخدام المفتاح يعنى بتشتغل بالبصمة من خلال زر استارت فى التابلوة من الداخل ولا ليها مفتاح وفيها جهاز انذار وتحكم عن بعد ولا ايه لانى بصراحة انا عاوز اشتريها بس عاوز اعرف فعلا فيها الكلام ده موجودة من خلال الاعضاء وملاك هذه السيارة وايه اخبار نظام الصوت فيها من قوة السماعات ونوع نظام الكاسيت والمرايا كهربائية ولا عادية وفى امكانية تعديل المقعد للساق وامكانية تعديل الدريكسون بس واسف على الاطالة بس ياريت تفندونى بالمعلومات ديه

:260309~146::260309~146:: 260309~146:

رد: سؤال بخصوص هيواندى نيو اكسنت الجديدة
 

ايه يا أستاذ اكمل الكماليات دى كلها, انت كنت تقصد النيو سيراتو ولا النيو اكسنت :HAPPY_~211:

النيو اكسنت 1600cc و 16صباب
112حصان/6000لفه
145ن/م عند 4500لفه
وزن العربيه 1058كج مانيوال و 1080كج اوتوماتيك
الطول 4280 و العرض 1695 و قاعدة العجلات 2500
فرامل اماميه ديسكات و خلفيه طنابير, و اطارات 185/65R14 عاديه مش جنوط سبور
فيها الكماليات الآتيه:
- سنترال لوك بالريموت
- تكييف هواء يدوى
- باور
- زجاج كهرباء
- راديو CD
- 4 سماعات متوسطين الأداء
-الدركسيون و كرسى السائق بيتعدل وضعهم يدوى
و فى منها مانيوال 78الف و اوتوماتيك 84الف
بس مفهاش ايرباج ولا abs ولا ستارت ستوب ولا دخول بدون مفتاح ptmnlo123per172
وإحنا تحت امرك يا أخى الكريم

رد: سؤال بخصوص هيواندى نيو اكسنت الجديدة
 

بالظبط زى ماقال استاذ صقر الهيوانداى كله بيجى مصر باقل الاوبشن

رد: سؤال بخصوص هيواندى نيو اكسنت الجديدة
 

والمرايا عاديةمش كهربائية ptmnlo123per111

رد: سؤال بخصوص هيواندى نيو اكسنت الجديدة
 

الف شكر لكل الاعضاء على مشاركتهم والمعلومات المفيدة بالنسبة لى وتحياتى لهم بس انا كنت عاوز اقول ان الكلام ده انا قراءته عنه فى موقع خاص برضو بالسيارات واسعارها فى مصر وكانوا بيقول ان العربيةفيها كل الكلام اللى انا سئلت عليه ده بس علىالعموم شكرا لكل اللاعضاء الذين قاموا بالرد على