الجنوط الالومنيوم (الاسبور-الرياضيه)
 

كثيرا منا يقوم باستبدال جنوط سيارته الحديد بأخرى الومنيوم من غير التوكيل
مزايا الجنوط الالومنيوم انها خفيفه الوزن- تدعم الحفاظ على المحرك والفتيس واستهلاك البنزين -وايضا شكلها جميل -ولا تحتاج لطاسات تكسر كل شويه -ولاتصدأ مع السير فى المياه او ركن السياره فى اماكن رطبه او مدن ساحليه- سهله الحمل
لكن هذه الجنوط لو من غير التوكيل تكون رديئه الصنع-من سبائك ضعيفه سهله الكسر والالتواء - تفقد لمعانها بعد فتره-وخصوصا الاكثر انتشارا فى مصر (الصينى) لرخص ثمنه -فهذه تعتبر غير امنه تماما
اما الالومنيوم من الوكاله فهى جيده ولكن يعيبها الاتى
لابد من تركيب الكاوتش ونزعه بالماكينه المخصصه وليس يدويا لان الطرق يتلف حافه الجنط ويؤدى لتسرب الهواء باستمرار وتقارب فترات تزويد الهواء -ايضا الخبط فى بلدورات الارصفه واحجار الشارع -المطبات الغائره (خصوصا على الدائرى) تؤدى لانبعاجها والتواءات بالشفه وربما كسرها

رد: الجنوط الالومنيوم (الاسبور-الرياضيه)
 

اه بس التوكيل اسعاره بتبقي غاليه اضعاف مضاعفه ومفيش تنوع كمان في الاشكال

رد: الجنوط الالومنيوم (الاسبور-الرياضيه)
 

انا مقلتش كده عشان نشترى من التوكيل ومعروف ان التوكيلات فى مصر مش بس غاليه ده فيه بعض التوكيلات نصابه فمثلا انا كان عندى عربيه كيا والتوكيل قالى ان الدينامو عاوز يتغير وكمان علبه الدركسيون ومسمعتش كلامه والحمد لله لحد ما بعت العربيه بعد 13 سنه من الكلام ده وهما الاثنين زى الفل ومتعملش فيهم حاجه طبعا اللى طمنى انى كشفت عليهم بره وقالولى دى اشتغاله وحالتهم فابريقه وعرفت من ناس كتير انهم اقنعوهم بتغيير علبه الدركسيون وغيروها بعد ما قلقوهم
المهم اسف للاطاله
انا طرحت الموضوع بهدف ان مش كل الطرق وفى جميع الاحوال الجنوط الاسبور بتبقى مناسبه
كمان عاوزه عنايه اكتر للحفاظ عليها
كمان بلاش الصينى الرخيص ونشترى من مصدر معروف
كمان بلاش المستعمل او اللى به عيوب