اريد حل لمشكلة طقم الشنبر
انا معايا عربيه اوبل فيكترا موديل 1997 فضلت الف على الميكانيكيه على حاجات تافهه لغاية لما بوظولى المكنه المهم ان المكنه احتاجت عمره فجبت شورت بلوك اللى هو نص المكنه اللى تحت المشكله دلوقتى ان فى دخنه بيضاء من الشكمان وريحة زيت محروق وعزم العربيه بقى وحش ومابتجيبش على الطريق اكتر من 180 بالعافيه ده اكيد طقم شنبر انا عايز دلوقتى اعرف ايه اللى ممكن اعمله بحيث انى احافظ على البساتم واحافظ على المكنه وايه هى اقصى سرعه وهكذا... لغاية لما اعمل طقم الشنبر لانى قدامى مش اقل من سنه على ما اعمله وخايف جداً ابهدل البساتم واحتاج نص تانى ولو حد هيكلمنى على زيت Oil treatment ياريت يقوللى استخدمه ازاى وهل فعلاً بيتفاعل مع طقم الشنبر ويحافظ على البساتم ولا لا ارجو النصحيه وشكراً SLAM
|
رد: اريد حل لمشكلة طقم الشنبر
اهلاً بيك فى مصر موتورز
بصراحة انت لو زعلان ان المكنة بتجيب 180 بالعافية فكدة مفيش أمل وعليه العوض فى المكنة :D :09C207~188: اولاً انت تبطل حرق على المكنة دلوقتى خالص لحد ما تتاكد من ظبطها وميبقاش فيه دخنة ولا مشاكل فى السحب ولو طقم شنبر يبقى هتعملة غير كدة تمشى عادى زى الناس 90 - 100 بالكتير وربنا يستر طريقك |
رد: اريد حل لمشكلة طقم الشنبر
انت عملت زي بظبط فى العربيه القديمه زمان قعدت الف على الميكانيكيه على حاجات اتفه من التفاهه ههههههه وحصل معايا نفس المشكله
فيه حاجتين كنت بعملهم مؤقت ، زيت الشنبر .. او غيارين زيت تقيل ورا بعض بيحافظوا ع العربيه طبعا متجريش لحد ما تعمل طقم الشنبر ولما تعملو ، اعملو عند حد بيفهم جامد متخصص شنابر وعمرات وربنا يسهلك الحال |
رد: اريد حل لمشكلة طقم الشنبر
تسلمولى على الرد متشكر جداً :)
|
رد: اريد حل لمشكلة طقم الشنبر
نصيحة نزل مكنة x20xev
|
الساعة الآن 02:38 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017