موضوع بخصوص سخونة السيارة بريليانس جالينا
 

انا اخوكم أحمد و كات عندي نفس المشكلة في العربية الجالينا وهي السخونة و ارتفاع درجة حرارة العربية الي 110 وده كان مخاليني قلقان و مش عارف اعمل ايه لغاية لما وصلت لحل ارجو انه يفيدكم وده بعد ما سالت في التوكيل و قالوا ان ده هو الطبيعي بيتاع الموتور ده فقررت اني ادخل و ادور علي سبب المشكلة و توصلت ان فعلا الموتور ده بتاع الجالانت 2000 سي سي مشكلته كانت في ارتفاع درجة حرارة الموتور وده كان من سبب فشل السيارة الجالانت فقررت اني احاول اوصل لحل للمشكلة دي و طبعا زي ما انتم عارفين ان المصريين بيحبوا يدعبسوا في كل حاجة فا نزلت و فتحت الكبوت بتاع العربية و كان معايا مهندس صاحبي اسمه مصطفي هو عنده ورشة في مدينة نصر و سخنت العربية لغاية لما المؤشر وصل الي 110 لاقيت ان المراوح ضعيفة جدا علي انها تبرد الموتور ده خصوصا ان انا معايا العربية التانية بتاعتي e39 وطبعا كلكم عارفين ان مشكلة البي ام في سخونتها لاقيت ان المروحة في البي ام قوية وفي الجالينا ضعيفة جدا جدا ولما شغلت التكييف السرعة التانية اشتغلت و كانت كويسة وعلشان كده الموتور بيبرد لما نشغل التكييف فا المهندس / مصطفي صديقي قرر يغامر معايا و يحاول يوصل لحل وده طبعا بعد ما غيرت المروحة وبرده نفس المشكلة فتوصل الي حل بصراحة جامد وهو انه جعل المراوح تشتغل 3 سرعات مع الحرارة
1- سرعة تبريد اولي تشتغل قبل ال 90 بشوية
2 - سرعة تانية تشتغل بعد ال 90 بحاجة بسيطة و تبرد اكتر و بالتالي تنزل الحرارة الي ال90
3- سرعة التكييف
والله ياجماعة من ساعت ما عملت كده والعربية بقت زي الفل و سحبها كمان بقي فيه فرق

انا حبيت اقولكم عن تجربتي و لو حابين تتاكدوا ده رقم المهندس / مصطفي للي عاوز يعرف 01003692740

رد: موضوع بخصوص سخونة السيارة بريليانس جالينا
 

مشكور على نقل التجربة
وفعلا العربية دى كانت معايا لكن مشكلتها اتحلت بتقوية سلك الارضى