مشكلة خبيثة لكيا بريد كربيراتير
 

السلام عليكم
واجهتنى مشكلة خبيثة فى سيارتى الكيا بريد سيدان اتوماتك 2002 كربيرتير وهى
الموتور بيبطل عندما اقوم بكسر الدركسيون وخاصة لو على اخر الدركسيون بس فى السرعة البطيئة جدا او اثناء الركن ( ديما بكسر دركسيون مع النقل على الوضع D او R والضغط على دواسة الفرامل معا ) وبعدين المشكلة كبرت وبقت مع كل دوسة فرامل اثناء وضع النقل D بس فى السرعات البطيئة جدا والمناطق المزدحمة برغم انى عليت عدد دورات الموتور الى 1000 لفة دقيقة والطبيعى العربية بتكون مظبوطة سلانسية على 750 لفة فقط
# طبعا شكيت فى الباور وفحصتة وغيرت زيتة واتأكدت انة مش بيسرب ووجد انة سليم
# كشفت على السرفو وتسريب الهواء من الفرامل بردو سليمة
# عدد 2 ميكانيكى كشفو عليها ومعرفوش يصلحوها نضفو الكربيراتير كويس بأسبرى منظف بس بدون جدوى بخلاف تنظيف مدخل ومخرج ترمستات حرارة داخل الكربيراتير بيحس بحرارة المياة ويعلى الموتور فى الصباح
#### حاليا انا شاكك فى بك كهرباء السلانسية كما بس الميكانيكى قال لا دى تبطل بمجرد ما تدور مش مع النقل والفرامل ولو هو سألت بتاع قطع الغيار قالى مش بيتباع جديد ومش عارف الاقى استراد ولا لا

# ثانيا هل احتمال يكون الفتيس مش بيفصل الموتور عن العجل مع السرعات البطيئة مثلا يقال فى حساس فى الفتيس الاتوماتك مسؤال عن الفصل اثناء التوقف ووضع ال D ووضع ضغط الفرامل
يا ريت الأفادة من الأخوة وشكرا