مصر موتورز مجتمع السيارات - تجربتي مع مركز أوتو بينت ،، رينو فلوانس

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - تجربتي مع مركز أوتو بينت ،، رينو فلوانس (https://www.masrmotors.com/vb/showthread.php?t=134350)

رد: عروض مركز اتو بينت لتجديد السيارات والتعامل مع شركات التامين

السلام عليكم ،،

تجربتي مع مركز أوتو بينت ،،

عربيتي رينو فلوانس 2012 كان فيها شوية خبطات شارع

رفرف و حكة في باب و خبطة صغيرة في رفرف ورا و فنوسين خلفي مخبوطين

و حكات تانية متفرقة

العربية بتاعتي من الزيرو ،، فكنت خايف عليها جدا

و لو عليا مكنتش عملت حاجة ،، لولا إن معاد الفحص الفني جه

و كده كده هأكمل بالعربية شوية ، بناء علي نصيحة صديقي م/ وائل توجهت للمركز

و بتوصيات شديدة كتر خيره ،،

الشهادة لله ، م/ إسلام متعاون جدا و لما بيعرف إنك جايله من مصر موتورز بيبذل اهتمام غير عادي

جه معايا شركة التأمين ،، و هوا اللي خلصلي الورق

و اللي لف علي قطع الغيار

و حتي لما حاجة مش سمكرة و دوكو طلبت منه يعملها متأخرش

و بعد ما خلصت كان ليا شوية ملحوظات بسيطة

قالي مفيش مشكلة أبدا تعال لي أعملك اللي أنتا عايزه

و فعلا حصل و يمكن أروح له تاني

أنا من خوفي مرشيتش غير الأجزاء اللي كان لازم تترش

و سيبت تجاريح كتير و رديتها بس عالبارد و لمعتها

و طلع جدع أووي في الحتة دي

الأعمال اللي تمت ،،

تغيير رفرف يمين أمامي، سمكرة و دهان عتب و باب يمين و رفرف يمين خلفي و تغيير فانوسين خلفي و مرايا جنب شمال و لحام اكصطدام أمامي و رشه لأن التأمين رفض التغيير ، و لحام قاعدة فانوس يمين لأن التأمين برده رفض تغييره

راضي عن نتيجة الشغل بنسبة كبيرة جدا خاصة الدهان لأني كنت مقلق جدا من اختلاف اللون أو إهانة العربية بس الحمد لله زي الفل

و السمكرة برده لولا القطع اللي صلحناها و مغيرنهاش كانت تبقي 100% ،

و المعاملة ممتازة و الإلتزام بالوقت ممتاز

مرفق الصور قبل ،،

هتلاحظوا أجزاء مجرحة لأني رفضت رشها و اكتقيت بالرد عالبارد و التلميع ،،

رد: عروض مركز اتو بينت لتجديد السيارات والتعامل مع شركات التامين

صور تانية قبل ،،

رد: عروض مركز اتو بينت لتجديد السيارات والتعامل مع شركات التامين

صور بعد ،،

قولوا بسم الله ما شاء الله ،،

الحتت اللي شايفينها متجرحة دي أنا سايبها رفضت رشها

رد: عروض مركز اتو بينت لتجديد السيارات والتعامل مع شركات التامين

اقتباس:

المشاركة الأصلية كتبت بواسطة Ahmed Anwer (المشاركة 987836)

وعليكم السلام
حضرتك والله نورت المركز الله يكرمك يا م/احمد على الكلام الحلو ده
وان ساء الله نكون عند حسن ظن الجميع تحياتى

لك

رد: تجربتي مع مركز أوتو بينت ،، رينو فلوانس

مبروك يا ابوالانوار يا صديقى وحاول تقعد بيها كدة شوية وازا فى اي خبطات بسيطة بعد كدة تتعمل مرمات على قدها برضو
وتسلم ايدك ياباشا على التقييم الموضوعى للمركز بس عايزين تقييم كمان لشركة التأمين

وتسلم ايدك يا اسلام الله ينور عليك بجد فى الصنعة والالتزام بالمواعيد والشغل تستاهل 10/10