مصر موتورز مجتمع السيارات - ريحة عادم خانقة ....!!!

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - ريحة عادم خانقة ....!!! (https://www.masrmotors.com/vb/showthread.php?t=133598)

zing0

15-10-2014 04:13 PM

ريحة عادم خانقة ....!!!

السلام عليكم
عندى حاجة عجيبة مش لاقيلها تفسير
ريحة عادم قوية طول ما أنا ماشى
و بأضطر أفتح الشبابيك كلها و برضو مفيش فايدة
الكربراتير و الكهربا و كله لسه مضبطه (عند معتز كربراتير و محمد طلبة الميكانيكى) 2 من أفضل الصنايعية يعنى, و بفضل الله البوجيهات مش مهببه.
جوانات الأبواب و الشنطة جديدة
و الغريبة إن الريحة بتروح لما بأقفل الشباك اللى جنبى !!!
يعنى الريحة بتدخل من جنبى, طيب إزاى و ليه؟
مش معقول هأفضل سايق و الشباك مقفول على طول MADDRIVE

ahmed_eng2001

15-10-2014 10:25 PM

رد: ريحة عادم خانقة ....!!!

رائحة العادم فى الغالب ليها مصدرين ....
الاول من الكبوت ... الفرن ... حرارة المحرك مع الزيت الى ممكن يكون بيتسرب على جسم المحرك بيعمل رائحة شبه العادم .. و احيانا بيكون فيه اخرام صغيرة فى كابينة القيادة بتسرب رائحة العادم

السبب التانى .. العادم المنبعث من الشكمان بيلف و يدخل كابينة القيادة تانى ... الكلام ده مش بيكون دائما ... يعنى على سرعات معينة فقط

انا عندى السببين فى العربية :)
انا اعتقد ان السبب الاول هو الى عندك

zing0

15-10-2014 11:37 PM

رد: ريحة عادم خانقة ....!!!

اقتباس:

رائع يا بشمهندس, جزاك الله كل الخير
هحاول أشوف الريحة منين من قدام لإنى بقيت بأدوخ من كتر العادم و على كل السرعات و السلانسية كمان
ربنا يبارك فيك و يرحمنا برحمته

ahmed_eng2001

16-10-2014 01:01 AM

رد: ريحة عادم خانقة ....!!!

ممكن حضرتك تفتح الكبوت ( علشان يكون منور ) .. و تنزل على الدواسة و تحاول تشوف اى فتحات شايف منها نور ... و اعمل الحركة دى فى الناحيتين
شيك كمان على اماكن خروج البدلات
متابع معاك

eng/walaaeldeen

16-10-2014 07:22 PM

رد: ريحة عادم خانقة ....!!!

السلام عليكم
في طبب بتكون في صدر الصالون من اسفل بيعدي فيهم سلك دواسة البنزين وسلك الدبرياج وهكذا تأكد من انهم مقفولين
وراجع على فتحات التهويه (التكييف)
وبرضه شوف هل يوجد تسريب من تنك البنزين داخل الشنطه
والله المستعان

الساعة الآن 08:42 PM.