معايا لادا و خايف اجرى
 

السلام عليكم
معايا لادا 2107
,
,
,
فى المنتدى ناس يقولو ان العربيه بتعموم و فى نابتقول لا و انا محتار بجرى وانا خايف اوى احسن تعوم
عايز اعرف من اصحاب الخبره اعمل ايه مع العلم ان والدى مش عايز يجنط العربيه ولا اى حاجا.

رد: معايا لادا و خايف اجرى
 

لو العفشة مضبوطة و متربطة صح
و مفيش أصوات طقطقة و دبدبة و خلافه (الأصوات المعتادة لعفشة اللادا)
إجرى بيها و لا يهمك, العربية مش بتعوم و لا حاجه
بل بالعكس الدفع الخلفى ثابت عن الجر الأمامى فى الغرز و الملفات
ده لإن وزن المكنه عامل ثبات أمامى, و الدفع الخلفى عامل ثبات ورا
و وزن العربية نفسه مش قليل, و الدركسيون الحجرى زى حجر الرحايا بيكلبش فى الأرض طالما مضبوط
بس زى ما أم كلثوم قالت "للصبر حدود"
أحب أفكرك و أفكر نفسى "للجرى حدود", يعنى خلى أخرك 100كم/س
مش علشان الثبات و بس, كمان علشان إستهلاك البنزين بيزيد مرة و نص بعد الـ 96 كم/س (معلومة لسه لاقيها عالنت) فمش ناقصة يعنى.
ربنا يسلم طريقنا جميعاً