نداء للاخوه الاعضاء لحل مشكلتى باسرع وقت
 

الساده الاعضاء عندى مشكله ومش عارف اعمل ايه
الموضوع انى اشتريت عربيه نيسان صنى من معرض مشهور بعد استلامها روحت البيت تانى يوم الظهر فوجئت العربيه مش بدور ( الكلام ده حصل يوم الاثنين قبل اللى فات ) اتصلت بالمعرض فقال لى ان دى مسئولية الشركه نيسان مصر انت استلمتها شغاله (ملوحظه حتى كتابة هذه السطور لما يسلمنى المعرض اوراق الملكيه )
اتصلت بشركه نيسان قالت دى مسئوليه المعرض اللى باع ليك العربيه وخاصة انه مش موزع معتمد
كلمت مراكز الخدمه قال طالما العربيه لسه مرخصتش مينفعش ادخلها صيانه ولازم استنى لما الضمان يفعل وعشان ادخلها ضمان لازم اشغلها عشان اروح المرور ارخص
روحت مقدم شكوى فى جمعيه خمايه المستهلك عن طريق النت يوم الاربعاء اللى فات
المهم كلمت المعرض قالى هابعت ونش ياخدها يوم الجمعه فاستنيت ماجاش حد روحت المعرض قالى معلش مشغولين دلوقتى وهابعته بكره فاستنيت ماجاش
روحت صابح يوم الحد الصبح اتفقت مع ونش على حسابى وسلمتها للمعرض
اتصلت يوم الاثنين بالمعرض قالى احنا بعتنا العربيه مركز الخدمه فى ابو رواش وبكره نكلمك
كلمنى الثلاثاء قالى ده المارش محروق ومش موجود فى التوكيل عشان دى موديل 2015 وتمنه ارعه الاف جنيه وانا احاول اشوف حل فاتصلت بشركه نيسان قالت ان المارش موجود فى مراكز الخدمه وتمنه الفان ستمائه وستون
فوجئت بالمعرض بيكلمنى اليوم وبيقولى تعالى العربيه اتصلحت وتم تغير المارش بس هاتدفع الف وربعمائه جنيه تمن المارش فقلت انا مالى قالى اصل دى سوء استخدام فقلت طب ازاى دى تانى يوم عطلت
المهم روحت المعرض بشوف العربيه ولسه بدور فوجت ان المارش بيدور مع الماتور وان العيب فى المفتاح انه مش بيرجع وبيفضل معلق فقال المعرض طب احنا بكره هابعتها الصيانه تانى عشان نشوف المفتاح
المشكله انى اكتشفت من الفاتوره ان المارش اتغير فى مركز خدمه فى المعادى مش معتمد وسمعت ان ده يخرجها من الضمان عشان اتغير بره مراكز الضمان التابعه لنيسان
انا مش عارف افكر ومش عارف اعمل ايه وجهاز حمايه المستهلك حتى الان مردش على ومش عارف استلم العربيه ولا لا ؟
والناس دى بتاعت المعرض طلعوا كدابين وناصبين
ومش عارف ادفع ولا لا فلوس المارش ؟
ارجوكم سرعه الرد على عشان مش عارف اتصرف واشكركم جميعا

رد: نداء للاخوه الاعضاء لحل مشكلتى باسرع وقت
 

من الواضح ان اصحاب المعرض والمسؤلين فيه ليس لديهم خبرة فى تجارة السيارات .....
انا من رايي حضرتك تروح تستلم العربيه وتتأكد ان كل حاجة تمام وشغاله . ولا تدفع اى فلوس لا قدر الله لو كان حاجه اكبر من المارش كنت هتدفع 10000 الاف وانت لسى شارى العربيه من 24 ساعه دا نصب عينى عينك

رد: نداء للاخوه الاعضاء لحل مشكلتى باسرع وقت
 

رد: نداء للاخوه الاعضاء لحل مشكلتى باسرع وقت
 

السلام عليكم
اولا - لاتستلم العربية لانهم صلحوها خارج التوكيل وهى زيرو
ثانيا- لاتدفع فلوس ابدا
ثالثا -اعمل محضر بالقسم التابع لة المعرض واثبت فية عداد العربية والاصلاحات التى تمت من واقع الاوراق او من واقع قطع الغيار المستبدلة ولازم تثبتها بالمحضر وان العربية زيرو واستلمتها ورجعتها تانى يوم والمسافة من المعرض لبيتك كام كيلو وانك ماعملتش مشاوير بها لانك لم ترخص العربية
رابعا - خد صورة من المحضر واطلع على حماية المستهلك . بص الموضوع كلة هيخلص ان شاء الله على انهم هيسلموك عربية تانية ولو حصل دة غير لون العربية ولا تأخد عربية هما محضرينها لك احسن تكون بها عيب او متصلحة قبل كدة
لان فية معارض بتجيب عربيات زيرو وبتحصل للعربيات حوادث نتيجة للنقل فبيصلحوها ويبيعوها تانى
دة تقريبا اللى ممكن انا اعملة لو حصل دة معايا
ربنا معاك
تحياتى للجميع

رد: نداء للاخوه الاعضاء لحل مشكلتى باسرع وقت
 

اولا شكرا لكل من رد على ودى طبعا اخلاقكم المعوده
انا مشتكى فى حمايه المستهلك تانى يوم من حدوث العطل ولكن ماحدش رد حتى الان فهل لازم المحضر ولا عادى ؟ هى الشكوى بطول عن طريق النت ولا اتقدم بشكوى تانى ؟