ردياتير الادا
 

كنت بصلح السيارة
وكان فى صاحب تاكسي وتبادلنا الكلام - طبعا عن ال لادا

عنده تاكسي 2010 باور وتكييف
مغير الرداتير بنحاس 3 ماسوره بتاع مرسيدس
الرداتير اكبر من الرداتير اللى انا كمان مغيره بنحاس
رداتير النحاس بتاع المرسيدس اكبر فى السمك والابعاد
وهو مغير المروحة الكهرباء بمروحة على السير
ويوجد مروحة اماميه فى صدر الرداتير من الامام للتكييف
بيقول الحراره احسن وان كانت بترفع قليلا فى الاشارات


الملفت للنظر بالنسبه واللى عجبنى لانى تحدثت عنه هنا فى المنتدى

ان السائق استبدل الرداتير باخر
نوع مختلف وابعاد مختلفه

يا ترى تعليق حضراتاكم ايه
؟؟

رد: رداتيير
 

انا رايى دائما ان التجربة خير برهان ....
طالما الحرارة كويسة معاه ... اذن الى عملوا ده كويس ...

و من المعروف فى الاوساط الميكانيكية ... الردياتير النحاس احسن من الردياتير الالومنيوم
الردياتير ال 3 ماسورة احسن من ال 2 ماسورة ... ماشى
الردياتير ال 4 ماسورة احسن من ال 3 ماسورة ... ماشى ... بس هو فيه ردباتير 4 ماسورة ؟ اكتشفت ان فيه ردياتير 4 ماسورة ... بس حجمه كبير شوية

و طالما الحجم مش مضايقه فى التركيب .. يكون الردياتير الاكبر افضل من الاصغر ....
مع الاخذ فى الاعتبار ... ان الردياتير ميبردش حرارة العربية اوى ... و دى حاجة مش كويسة ... و يتم علاجها بتركيب كوعة ثيرموستات فى دورة التبريد
انا شايف ان المروحة الكهرباء افضل من الى واصلة بالطنبورة على طول ... انا عندى المروحة واصلة بالطنبورة و بتلف مع المحرك على طول .... و دى بتخلى العربية تسخن فى الحر فى الاشارات ... على غير المروحة الكهرباء
انا شفت ناس بتغير المروحة الميكانيكية بمروحة كهرباء

جاتلى فكرة من فترة و هى تركيب ردياتير تانى بثرموستات كوعة تفتح لما درجة الحرارة توصل ل 90 ... بس اجلت الفكرة شوية

تقبل مرورى

رد: رداتيير
 

اول مرة اسمع عن ال4 ماسوره
اللى شفته كان 3 ماسوره بس السمط من اعلى كبير والحجم ككل كبير
عن اللى عندى رغم ان اللى عندى برضه نحاس 3 ماسوره

وهو قال انه بتاع مرسيدس ومكلفه 800 جنيه
ومغير المروحة الكهرباء بمروحتها هى نفسها على طنبوره العربيه
وكان بيقول انها بترفع بسيط فى الاشارات وعلشان كده
هو هيغير المروحة ب8 ريشه وهيغير الطنبوره باصغر علشان يزود السرعه

سؤوال لحضرتك
لو انا ركبت مروحة 8 ريشه وعلى طنبوره صغيره
بس
حبيت احتظفت بالمروحة الكهرباء اللى مش هيكون لها مكان فى حوض العربيه علشان مروحة الطنبوره
وبالتالى نقلت المروحة للخارج امام الرداتير من بره يعنى من الامام
ولو افترضت انه يوجد مكان للتثبيت ومكان لقفص المروحة

ازاى اعكس اتجاه المروحه لمرور الهواء باتجاه الرداتير

رد: رداتيير
 

التفاصيل الدقيقة مش حقدر افيد حضرتك فيها ... علشان انا مش معايا لادا ... حضرتك ممكن تسأل استاذنا مستر استرا ... و استاذنا زينج ... ناس محترمة جدا و مش بتبخل بالمعلومة ... و ناس تانية كتير برضوا ممكن يدوا حضرتك تفاصيل دقيقة عن اللادا ...

عذرا ... انا مركب ردياتير 4 ماسورة فى عربيتى ( الى مش لادا ) و كنت شاريه ب 1200 جنيه استيراد من اكتر من سنة ... هو افضل فى التبريد ... بس فى الاشارات برضو بيسخن

كنت عامل الحركة الى حضرتك بتقول عليها فى الدوجان زمان ... مركب مروحة على طنبورة ... و كمان محتفظ بالمروحة الكهربا الاصلية ... المكان كان يادوبك مكفى الاتنين
و رايى الشخصى ... المروحة ال 8 ريشة زى المروحة ال 6 ريشة فى سحب الهواء ... الاختلاف بيكون فى الطنبورة .... الطنبورة الاصغر تديك سرعة اكبر
و فى نفس الوقت ... حمل بسيط على الموتور ( مش محسوس ) ... بس بتكون ضعيفة ..
انا شلتها من الدوجان علشان اتكسرت و انا ماشى ... خامتها كانت وحشة

المروحة حتركبها بنفس عدلتها الى كانت راكبة على الردياتير من جوة ... اعتقد ان المروحة لا يمكن تغيير اتجاه دورانها عن طريق الاسلاك

رد: رداتيير
 

حضرتك لو ركبت المروحة الكهرباء بنفس عدلتها من الخارج
فهى بتسحب الهواء
يعنى هتسحب هواء الرداتير فى مواجهة هواء الخارج المواجه للسيارة
فمش هتقاوم ومش هتقدر تسحب هوا ء
والمنطق انى اعكس دوران المروحة ( مش عارف ازاى )
علشان امرر الهواء فى اتجاه الرداتير لداخل الموتور ومروحة الطنبوره هتكمل سحب الهواء فى نفس الاتجاه

ده تفكيري - والله اعلم