|
اللمبه منورة و مفيش شحن ... عيدية العيد
السلام عليكم
كعادة اللادا فى كل الأعياد و المناسبات, لازم تعيّد عليا بعيدية أدوخ معاها طول العيد إمبارح الساعة 2 مساءاً أدور العربية, لمبة البطارية منورة على طول, أزود بنزين مفيش أى إستجابه, مؤشر شحن البطارية (إللى فى التابلوة) على الجزء الأحمر و حتى لو ماشى على 100 برضه على الجزء الأحمر .... من الآخر مفيش شحن شديت سير الدينامو (زى مهتقولولى) و إتأكدت إن البكر إللى السير ماشى عليه كله بيلف (السير مش بيتزحلق على البكر و الدينامو بيلف) و إتأكدت من توصيلات الدينامو و الشربون بتاعه لسه مغيره من 3 شهور طبعاً النهارده الأحد, و بكره إن شاء الله عيد و مفيش صنايعية.... أعمل إيه؟ كده العربية شغاله عالبطارية بس و لا الدينامو فيه إيه؟ و كل عام و أنتم بخير |
رد: اللمبه منورة و مفيش شحن ... عيدية العيد
معلش ... ربنا يعينك
حصلت معايا المشكلة دى .. و وديتها لكهربائى ... فك الدينامو .. و ملقيناش حاجة !!! نظفنا الدينامو من جوة فقط .. و رجع الدينامو يشتغل كويس الله يكوون فى عونك |
رد: اللمبه منورة و مفيش شحن ... عيدية العيد
ربنا يستر, أدعيلنا يا أحمد باشا
|
رد: اللمبه منورة و مفيش شحن ... عيدية العيد
ربنا يوفقك .... انا كنت عاوز اقولك .... لو تقدر و لو عندك وقت .. حاول تفك الدينامو بنفسك و تشوف فيه ايه ... احتمال تكون حاجة بسيطة
|
رد: اللمبه منورة و مفيش شحن ... عيدية العيد
نفس المشكلة كانت عندي ورحت للكهربائي ، غيرلي قواعد السليكوت والكتاوت وسلك العمومي بتاع الدينامو وبقيت زي الفل الحمد لله ، بس هات الكتاوت تركي وخير ان شاء الله
|
| الساعة الآن 12:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017