ثرموستات الحرارة
 

السﻻم عليكم
انا كنت عاوز اخد راى اﻻعضاء الكرام
انا معايا عربيه فيرنا 2011 فول اوبشن ومن فترة مؤشر الحرارة عالى شوية واقف على النقطة العالية روحت للميكانيكى راح شايل ثرموستات الحرارة وقالى انه ملهوش ﻻزمة فى مصر علشان الجو حر وقالى ان هو ده الحل بالنسبة لمشكلة الحرارة طالما كل شىء سليم وهو مجربو قبل كدة كذا مرة ،،،،،، انا كنت عاوز اعرف ايه رايكم هل الكﻻم ده صح وﻻ ﻻ وشكرا:cry2W9:

رد: ثرموستات الحرارة
 

معظم الميكانيكية بيشيلو ثرموستات الكوع غير عابئين بما قد يسببه ذلك من أضرار للسيارة.
ثرموستات الكوع وظيفته هى "تسخين" المحرك, بالتزامن مع دورة التبريد, لأن المحرك مش المفروض يكون بارد و لا ساخن المفروض انو يعمل بأفضل كفاءة على حرارة معينة (ما بين 85 الى 100 درجة حسب تصميمه).
ثرموستات الكوع بيقفل دورة المياه عندما يكون المحرك باردا, و بالتالى يساعد على تسخينه.
فى الصباح, يساعد ثرموستات الكوع بتسخين المحرك سريعا مما يقل من الاضرار الناجمة عن الضغط الحرارى و الوصول الى أفضل اداء بسرعة كبيرة.
على الطرق السريعة, فان الهواء المندفع يقوم بتبريد مياه الرادياتير بشكل أسرع من المفروض, مما قد يسبب ضغط حرارى على المحرك, فيقوم ثرموستات الكوع باغلاق دورة التبريد جزئيا للحفاظ على حرارة المحرك.
مشكلة ثرموستات الكوع الازلية هى اصابته بالصدأ, و لكن استبداله هو الحل و ليس الاستغناء عنه.

رد: ثرموستات الحرارة
 

انا موافق على راى الاستاذ فادى

ثرموستات الكوعة .. بيعمل زى عائق شوية فى مجرى مياه التبريد ... و علشان كدة الميكانيكية بيحبو يشيلوه .و بالفعل بيقلل من درجة الحرارة ... بس فى المقابل ... بيعمل مشكلة كبيرة فى ترك دورة التبريد لظروف المشى ... على الطوالى العربية تبرد .. ادائها يقل ... و تاكل بنزين اكتر

رد: ثرموستات الحرارة
 

انا كنت فى التوكيل من فترة وهما قالولى ﻻزم تغير الكوع ﻻن مياه الراديراتير كانت فيها صدأ جامد وتقريبا كان لونها احمر ...... طيب هو لو انا غيرت الكوع بيتغير معاها الثرموستات ؟ وهل انا ممكن اركب الثرموستات القديم تانى ؟ وﻻ ﻻ ؟ وايه اضرار ان الميكانيكى شال الثرموستات ؟ معلش انا اسائلتى كتير ؟ ربنا يبارك فيكم ROSE4U

رد: ثرموستات الحرارة
 

مهم جدا ترموستات الحراره وفى حاجه اكترالناس متعرفش ان منظم الحرارة لو ملغى العربيه ترفع حراره على سرعة ١٥٠كم .. وفى زحمة الطريق مع تشغيل المكيف فى النهار خاصتا فى الصيف
ياريت حضرتك بعد ما تظبط العربيه اشترى واحد اصلى نفس الرقم
وياريت بكرا ان شاء الله تجرب العربيه وتعرفنا عملت ايه