مشكله في سحب السياره a516
 

السلام عليكم
عندي سياره a516موديل 2008 ماشيه 66000 كم وفلتر البنزين متغير قريب والميكانيكي بيقولي كله تمام بس فيه مشكله غريبه في سحب العربيه
العربيه مش بتسحب اوي ولو مثلا ماشي علي 80 وانا علي الغيار الرابع وهديت شويه لحد 50 مثلا ورجعت ادوس بنزين وانا علي الغيار الرابع بتسحب ببطء شديد جدا جدا مهما دست زياده علي دواسة البنزين وعشان تسحب افضل شويه لازم اديلها الغيار التالت
وسحبها عموما حسه ضعيف ولما باوصل لسرعة 110 كم في الساعه بيبقا السحب اضعف واحسها مش عاوزه تجيب اكتر الا بصعوبه اوي مع اني بضغط دواسة البنزين جامد بس بحسها مش بتستجيب علي اد الضغطه خالص
وساعات علي التاني والتالت ادوس بنزين جامد تسحب العربيه بالراحه ولما اشيل رجلي من ع الدواسه وادوس تاني تبدا تسحب كويس والميكانيكي مش عارف فيها ايه بيقولي ده الطبيعي بس طبعا انا مش مقتنع
ياريت اساتة وخبراء المنتدي يفيدوني في الموضوع ده
وشكرا لجميع الاعضاء الكرام

رد: مشكله في سحب السياره a516
 

رد: مشكله في سحب السياره a516
 

انا شاريها مستعمله بس ركبتها قبل كده مع واحد صحبي وسقت عربيته ومكنتش كده وكمان كان بيحطلها بنزين 80

رد: مشكله في سحب السياره a516
 

الـ 2008 من افضل موديلات سبرانزا
وعداد العربية حلو بصراحة
بس عشان العربية تسحب معاك لازم تركبلها بوجيهات بوش 3 شمعة اصلى
وغير الزيت اللى فيها وسيبك من موبيل خالص حطلها شيل او وولف او نوع تخليقى هايفرق اوى والله
وعاوزك بس الاول نعمل تجربة
شيل غطا التانك وخلية متشال
هتلاقى تحتة بوابة بسوستة تقفل زور التانك
حاول تفتحها بخشبة المهم يكون وضعها مفتوح والخشبة متكنش سدة الفتحة وجرب وقلى النتيجة
الفكرة ان التانك ياخد هواء ما نعتمدش على خرطوم خلخلة الهواء الموجود

رد: مشكله في سحب السياره a516
 

شكرا للردود وشكرا م-استرا وهجرب اللي انتا قلت عليه وهارد عليك ان شاء الله
بس سؤال اخير معلش
افهم من كلامك ان كده مفيش مشكه اساسيه في العربيه؟يعني العيب ان شاء الله حاجه من دول بس؟