|
أرجو معرفة رينو اوبتيما
ارجو الأفادة عن الرينو اوبتيما هل هى سيارة جيدة ؟ وهل قطع غيارها متوفرة بأثمان مناسبه ؟
لكم جزيل الشكر والتقدير |
رد: أرجو معرفة رينو اوبتيما
يا جماعة لو سمحتم عايز اعرف الرينو اوبتيما والرينبو أخبارهم ايه ؟ ومين احسن فيهم ؟
أرجو الرد سريعا لحسن هادبس فى واحدة منهم |
رد: أرجو معرفة رينو اوبتيما
بأختصار شديد يا باشا
الرينبو احسن وشكل احلى والاتنين يعتبروا نفس الامكانيات مع اختلاف المواتير انما الرينبو احسن فى الشكل واسهل فى التظبيط وقطع غيارها مش غاليه وانا كنت عامل موضوع عن اسعار قطع غيارها اسعار قطع غيار رينو 19 ورينو رينبو انا عن نفسى افضل الرينبو جدا تحياتى وكل سنه وانت طيب |
رد: أرجو معرفة رينو اوبتيما
أشكرك أخى العزيز بوب على إهتمامك وأرجو ان توضح لى متوسط سعر الرينبو المستعمل ولحد موديل سنة كام ولك جزيل الشكر والتقدير
|
رد: أرجو معرفة رينو اوبتيما
العفو يا باشا
الرينبو موديلات فى حدود 96 او 97 بتعمل فى حدود ال30 بعد حاله السوق دى والعربيه 1300(سيبك من اللى بيقولك بيتلعب فى الموتور ويبقى 1400 لانه بيلعب فى التاكيهات ومبيعملش حاجه تستاهل) تكييف -زجاج كهربائى امامى -سنتر لوك ومفيهاش باور بس ممكن تلاقى منها بباور انما المنتشره من غير باور وممكن لو انت حبيت تركبلها باور والحوار كله مش هيتكلف 1000 جنيه وهو طقم بتاعها مش هتوفقلها من عربيه تانيه على فكره فيه رينو 19 اللى هى زى عربيتى ودى بتبقى كامله باور -تكييف-سنتر لوك -زجاج كهربائى امامى ودى هتلاقيها اغلى من الرينبو لانها فرنساوى بالكامل مش تركى زى الرينبو وهى بتشترك فى حاجات كتير منها الصاج الخارجى والعفشه والفوانيس وحاجات تانيه ولو قدرت تلاقى 19 هاتها احسن من الرينبو مع انها هتكون موديل اقدم بس هى تستحق بصراحه وممكن تكون اغلى من الرينبو ارجو انى اكون قدرت افيدك فى استفساراتك ولو فيه حاجه مش واضحه انا موجود بأذن الله وكل سنه وحضرتك طيب:260309~146: |
| الساعة الآن 10:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017