|
استفسار بسيط لعدم خبرتي بالعربيات
السلام عليكم انا عضوه جديده لو سمحتوا عايزه مساعده معايا 65000 و عايزه اشتري عربيه حلوه مع العلم دي اول عربيه ليا تبقى بتاعتي و عيزاها مستعمله و كمان اتوماتيك خصوصا ان عندي بنوته 4 سنين حتركب معايا فاجيب ايه ؟؟؟؟؟
|
رد: استفسار بسيط لعدم خبرتي بالعربيات
بالمبلغ دة ممكن لو عربية سيدان
لانسر كرستالة اوتوماتك من 50الف ال 55 الف ممكن لانسر بوما ولكن موديل قليل وهتكون 1300 سي سي نيسان صنى موديل 2005 فاقل لو هاتش باك انصحك بكيا بيكانتو |
رد: استفسار بسيط لعدم خبرتي بالعربيات
اقتباس:
طيب النيسان سعرها كام؟؟؟ و افضل سعر و موديل سنة كام و طبعا شكرا على ردك كمان البيكانتو سعرها تتراوح بكام |
رد: استفسار بسيط لعدم خبرتي بالعربيات
اسعار المستعمل متفاوتة حسب الحالة والعداد والرش والاوبشن بس انا قلت عربيات تتراوح مع السعر اللى مع حضرتك زيادة او نقصان قليل والدور عليكى تنزلى وتقررى
بس خدى بالك والموقف دة شغال اليومين دول مع نسيبى اشترى لانوس 1 من كام شهر ب43 الف وجاى يرخص قالوله فى المرور ان العربية مغيرة نص كامل وطبعا لما كشفوا الدهان عرفوا الموضوع دة اللى عدى على ناس كتير بتعمل نفسها فاهمة وهية بتشترى المهم الضابط قاله شكلك محترم خد العربية لصاحبها يتصرف فيها طبعا راح للمعرض اللى عمال يبعت فية يمين وشمال ولا اخد منه حق ولا باطل ربنا يسترها معاكى لكن عموما علشان تقدرى تحددى سعر عربية معينة ممكن تدخلى على مواقع السيارات المستعملة وتحددى السعر والنوع وتقارنى بينهم زى موقع دوبيزل وكونتاكت كارز وغيرهم وربنا يوفقك |
رد: استفسار بسيط لعدم خبرتي بالعربيات
افضل حاجة يا بيكانتو يا i10
و الافضل تبقى زيرو تبع بنك ناصر لان كدا المقدم حيبقى كبير و مفيش ضامن و الفايدة حتبقى 6 % و على 7 سنين و نص حيبقى قسط قليل جدا |
| الساعة الآن 04:52 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017