|
عطل مجننى لو سمحتم افيدونى
عربيتى جولف 2 موديل 1988 موتور 1800 سىسى العطل هو لما ادور العربيه بيبقى كل شىء تمام لما اجى ازود بنزين تقريبا rbm 3 او 4 لمبه الزيت تنور وفى زنان بيشتغل فى التابلوه غيرت ساعتين الزيت وزيت وفلتر وكشفت على الكهربا كله تمام بس العيب لسه موجود ميكانيكى وكهربائى قالولى غير العدادات وميكانيكى اخر اكد انه مش من العداد وقالى هات العربيه وسيبها يوم ادور على العطل . انا اسف على الاطاله بس لو سمحتم افيدونى اعمل ايه ولو احد عنده فكره عن العطل ده يقولى لان بصراحه صرفت كتير والعداد غالى شويه هههههه. وشكرا
|
رد: عطل مجننى لو سمحتم افيدونى
2 مرفق
سيدي الفاضل
فيه في العربية ساعتين زيت - واحده للضغط المنخفض تقريبا 0.3 بار والاخر 1.8 بار بما ان المشكلة تحدث غند سرة اكثر من 2000 لفه تبقي المشكلة في حساس ضغط الزيت 1.8 بار ولذلك انصح بقياس ضغط الزيت الاول عند اي ميكانيكي محترم لو ضغط الزيت سليم ومفيهوش مشكلة تبقي الطلمبه سليمه لو اقل يبقي تغير الطلمبه (لو غيرت الفلتر بنوع مش كويس دا يسبب ضغط زيت منخفض) عشان نتاكد المشكلة فين افصل السلك من الحساس ووصله بالموتور ( نديله ارضي) وارفع السرعة لو الصوت وقف والزنه اتمنعت يبقي الحساس اللي راكب فيه المشكلة والضفيرة والبورده سليمة طب لو موقفتش يبقي نشيك علي السلك لو السلك سليم يبقي نغير لوحة العدادات وهنا لينا وقفة كبيرة عند كهربائي محترم خلية يفصل الحساس ويركب عداد ضغط ميكانيكي امامك في السيارة تعرف منه الضغط ويفصل الصوت من اللوحة وكدا مش هتدفع غير 70 او حتي 100 جنية تقبل مروري واسف للاطالة والله اعلي واعلم |
رد: عطل مجننى لو سمحتم افيدونى
لابد من قياس الضغط للتاكد من عدم وجود مشكلة داخلية بالمحرك
|
رد: عطل مجننى لو سمحتم افيدونى
1 مرفق
|
رد: عطل مجننى لو سمحتم افيدونى
يا فندم الف شكر لسيادتك وساقوم بعمل ذلك وابلغك ويبقى كرم كبير من سيادتك لو اكلمك على تليفون وشكرا
|
| الساعة الآن 03:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017