موبينة و بوجيهات ولا وش سلندر ؟
خبراء المنتدي الكرام
انا عربيتي رينو كليو 2002 (1200 سي سي) مستعملة بس عامل صيانة شاملة في مركز خدمة من فترة كنت ماشي في الزحمة والمروحة فصلت كهرباء و مخدتش بالي من الحرارة الا و دخان خارج من الكبوت فتحت الكبوت والحمد لله طلع مش دخان طلعت مياة التبريد فضيت و طبعا نزلت علي الموتور و حصل بخار شديد و ده اول سؤال هل طبيعي ان العربية لو سخنت تطرد المية عشان ميحصلش غليان و القربة او خرطوم يفرقع ؟ مع العلم اني ماقدرتش اوصل لمكان طرد الميه المهم المروحة اتصلحت و الحرارة اتظبطت بس المشكلة ان لمبة فحص الموتور نورت :thnkr: سحب العربية اصبح سئ جدا والسرعة القصوي نزلت بدرجة ملحوظة العربية مفيهاش RPM بس انا بحس بصوت الموتور اعلي من الطبيعي و دة طبعا لأني بدوس بنزين اعلي من الطبيعي علشان اوصل للسرعة المطلوبة العربية فصلت مني و انا ماشي علي التاني مرتين ورا بعض مع العلم ان رجلي كانت ثابتة بعد كام مشوار فحصت الزيت سليم مفيهوش مية اللي محيرني ان العربية علي الاول والثاني مافيهاش رجرجة و اللي بتكون مؤشر لاسطوانة فاصلة نتيجة بوجية او موبينة ........ ملاحظات -كان عندي فلتر هواء جديد ركبتة بس مفيش فرق -فية تنقيط ميه خفيف من الشكمان و انا شايف ان دة طبيعي في الشتاء خصوصا ان مشاويري معظمها قصيرة يعني 10 كم -انا عندي تسريب زيت صغير من جوان المانيفولد (مسمار هارش) بس دة من فترة وكانت العربية ماشية بية من غير مشاكل السؤال الثاني و الأهم ايه السبب واية العمل بوجيهات و موبينة ولا وش سلندر ولا عمرة موتور :30p[1]: :30p[1]: :30p[1]: |
رد: موبينة و بوجيهات ولا وش سلندر ؟
السلام عليكم في الغالب فيه مشكله حدثة في وش السلندر والله اعلى واعلم والله المستعان |
رد: موبينة و بوجيهات ولا وش سلندر ؟
اتأكد ازاي ؟
المية مش بتنقص مفيش مية في الزيت ولا زيت في المية !!!!! |
رد: موبينة و بوجيهات ولا وش سلندر ؟
ممكن يكون جوان وش السلندر حصله حاجه وبيهرب كبس للمياه مش شرط تعمل طحينه
|
رد: موبينة و بوجيهات ولا وش سلندر ؟
وش السلندر
|
الساعة الآن 06:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017