استغاثه اوبل كورسا 1200 97
 

انا اشتريت عربيه كورسا 1200 97 من اخويا بس هي المشكلة كانت مركونه ثلاث سنوات
العربيه اخدتها عادي وكانت ماشيه مفيش مشكله
بدأت لما حطيت بنزين 80 من بنزينه كده الله اعلم بقى بدأت بقى كل المشاكل
العربيه بدأت تدور شويه وتبطل سواء بقى وانت ماشي وانت واقف على الخامس على الرابع بتبطل
المهم رحت للميكانيكي غير طرمبة البنزين ومش عارف عمل ايه تاني كده المهم ونضف البوابه المهم العربيه اشتغلت ومشيت حلو سالت الراجل العيب من البنزين قالي لا فكان عندي شوية بنزين من نفس البنزينه حطيتهم رجعت المشكله تاني وبقت تغييب في الدوارة ولما تدور تطلع دخانه سوده اوي من الشكمان
خدتها ورحت لواحد كشف اعطال قالي العيب من idel والرشاش فيه مشكله
المهم رحت للميكانيكي غير البوابه كلها وجبت واحده تانيه استيراد
قعدت يوم كويسه وبعدين رجعت تبطل تاني وانا ماشي
انا رحت تاني للميكانيكي غيرت فلتر البنزين وخليته فك البوابه ونضفها حته حته وحساس حساس وقالي ممكن تكون طرومبة البنزين بتقطع او ضغطها ضعيف روحت للكهربائي شيكلي على الحساسات وعلى الطرمبه وقالي العربيه مفيهاش حاجه قالي شوف ميكانيكي يشوفلك الموبينه والمشبك
اللي بيحصل بالظبط ان انا وانا ماشي لمبة التشيك بتايد لوحدها في الطبلوه والعربيه تحس انها مخنوقه كده وتبطل
مش عارف بقى انا تقريبا البوجيهات عندي عاوزه تتغير وهغير فلتر الهواء واشوف اظبط كهربة الاسبراتير اوطيها شويه ولا ايه ولا انتم رايكم ايه ارجوكم محتاج ردكم لاني بجد مش عارف اركب العربيه

رد: استغاثه اوبل كورسا 1200 97
 

مبدئيا بنزين 80 ممكن يكون بوظ حساس الاكسوجين
لازم تعمل سكان و تقرا كود العطل و بلاش 80 خالص فى العربيات ديى

رد: استغاثه اوبل كورسا 1200 97
 

الف شكر استاذ احمد على مرورك الكريم

هو تقريبا في مشكله في حساس الاكسوجين ممكن يكون هو اللي يخلي العربيه تبطل وهي ماشيه

رد: استغاثه اوبل كورسا 1200 97
 

لا اقصد بلاش 80 خالص
بس سبب التبطيل ممكن يكون حاجة تانية مش شرط حساس الاكسوجين بس
يا ريت لازم سكان

رد: استغاثه اوبل كورسا 1200 97
 

انا حصلت معايا نفس المشكلة بالظبط من حوالى 10 شهور والميكانيكى جالى البيت لانها ما كانتش عايزة تدور وغيرلى البوجيهات واشتغلت الى حد ما كويسة بس ما تظبطتش غير لما خلصت تقريبا كل البنزين اللى فى التنك وحطيت بنزين غيره..فأحسنلك فضى التنك من البنزين اللى فيها لان واضح انه مغشوش وممكن يبوظلك الدنيا ومش شرط تحل التنك ممكن تفك غطا العوامة (تحت الكنبة اللى ورا) وتسحب البنزين بخرطوم وبعدين تنشف البواقى بسفنجة وتغسل ببنزين مش مغشوش وبعين تحط البنزين الجديد ..فك برضه البوجيهات ونضفها باى اسبراى بيشيل الكربون وبقماشة لانه هتلاقيه اتوسخ جامد نضفه كويس وبعدين جففه كويس يستحسن بسيشوار بالهوا الساخن لو فيه فى البيت ..يا ريت كمان لو تعرف تنضف الموبينة باسبراى ما يكونش زيتى ذى AKAI الازرق او اسبراى الانجكشن وتجففها كويس هيتحسن الحرق بشكل كبير وان شاء الله الامور هتنظبط معاك
انا للاسف اتكررت معايا نفس المشكلة تانى اول امبارح ومن نفس البنزينة بعد ما كنت مقاطعها وجبت الميكانيكى برضه البيت والمرة دى كانوا غاشين البنزين 92 بسولار ..وحسبى الله ونعم الوكيل