مشكلة مش عارف لها حل مع الإسبرانزا
 

لمبة EPC هتجننى

عند الوقوف سلانسيه 5 دقائق أو أثناء التسخين الصباحى أو أثناء النهار تضئ

أول ما السيارة تسير 50 أو 100 متر تنطفئ لوحدها

علام تشير وإلى أى شئ تحذر

علما بأن أحد المراكز الشهيرة قاموا بإطفائها بالكمبيوتر وبعد يومين عادت ريمه لعادتها القديمة

أنا خايف أحسن تكون فى حاجه خطيرة وأنا مش واخد بالى

برجاء النصيحه كما تعودت منكم إخوتى الأعزاء

رد: مشكلة مش عارف لها حل مع الإسبرانزا
 

في الغالب ليهاعلاقه بالبنيزين ونضافته
اللمبه لمبه اعطال
وفي الغالب ها تسجل بوباه ثروتل ومحتاجه نضافه
يعني الكمبيوتر مسجل عطل في احد حساسات العربيه
ولازم تتحط علي لجهاز لمعرفه سبب العطل

رد: مشكلة مش عارف لها حل مع الإسبرانزا
 

اللمبة دى لعينة
لما بتنور صعب انها تطفى
ممكن تكون حطيت بنزين 80 او بنزين مغشوش
ممكن يكون حاجة فى ضفيرة الكهرباء
المهم تحط العربية على سكانر وشوف هايقرا اية

رد: مشكلة مش عارف لها حل مع الإسبرانزا
 

البنزين تمام التمام 92 والتنك مليان، وأنا أساسا بمشى غاز بنسبة 99%

سبق وحطيت السيارة على الكمبيوتر فى مركز مشهور هنا فى المنتدى

وقالى المهندس إن سير الكاتينه نط سنه ؟؟؟؟؟؟؟؟

والجهاز قارى سير كاتينه وحساس كامه

والحقيقه أنا لما سمعت الكلام ده قلقت منه وقلت سيبك منهم واضح إنه مش عارف حاجه وبيشتغلنى

رد: مشكلة مش عارف لها حل مع الإسبرانزا
 

غريبة
انا لو منك مش هاعمل كدة خالص
هافك الوش الفبر عند ميكانيكى واتشك على سير الكاتينة
دى حاجة مهمة جدا وغلط انك تسيب الوضع كدة
مجرد تشييك مش هاياخد وقت ومش هايتكلف فلوس كتير